சாஸ்வதம் – Page 6 – அரிஷ்டநேமி

சைவ சித்தாந்தம் – சில சிந்தனைகள்

சைவசித்தாந்தம் – சில சிந்தனைகள்

சர்வ வியாபகம்

எல்லா பொருள்களிலும் நீக்கமற நிறைவுற்று இருத்தல்.

எல்லா பொருள்களிலும் நீக்கமற நிறைவுற்று இருத்தல் முதல் தன்மை. அதோடு தளைகளை அறிவிக்கவும் அதோடு ஆன்மாக்களை தளைகளில் இருந்து விடுவிக்கும் பொருளாகவும் இருத்தல். அஃது பிரபஞ்சம் முழுவதும் நிறைந்தது.

இதைஉண்மை என்பதை பிட்டுக்கு மண் சுமந்து பிரம்படி பட்ட திருவிளையாடல் புராணம் உணர்த்தும்.

நித்யதத்துவம்

அழிவில்லாது.

தனக்கான செயல்களை வினைகளில் வழியே கூட்ட பதி ஒன்று வேண்டும். அவ்வாறு செயவதற்கு தனக்கு மேல் ஒரு பதி இல்லாத பரம் பொருள்.

சுவையினை உணரும் பசுக்கள் அவற்றின் தன்மைக்கு ஏற்ப அவற்றை அனுபவிப்பது போல், ஈஸ்வர அனுபவிப்பதை அனுபவிப்பதால் அவன் நித்ய ஆனந்தராக இருத்தல் வேண்டும்.

சமூக ஊடகங்கள்

2038- Quantum physics

(It’s all a fantasy. It is not intended to hurt anyone. It could (not) happen.)

2014 – In quantum theory of cognition, memories are created by the act of remembering.

2038 – Remembering is very old method. Unaku evalavu venum sollu. 50 terra byte Rs. 50/- only.

2014 -Quantum Cloud Simulates Magnetic Monopole

2038 – Sir, seekiram solluga, unga veetu vasthu padi NorthEast (Sani moola- Moolaila theeya vaika) than best. Advance seekiram pay pannunga sir. Lion(pavigala line or lion) nikuthula.

2014 -Quantum cryptography for mobile phones

2038 – Nanum 25 yearsa try pannikitu iruken. But en husband-oda password mattum kandu pudikida mudiyala sir

2014 -Electron Mass Measured to Record-Breaking Precision. The electron has 0.000548579909067 of an atomic mass unit

2038 – Yei rumba pesuna monjiya pethuduvan, enga thalaivar vijayoda son. Avaru massu theriyuma.

2014 – Hunt for an ‘unidentified electron object’ – Researchers have developed a new mathematical framework capable of describing motions in superfluids.
2038 – Sir, ithey vechi Renganathan stla shopping pona en pondatiya kandu pudika mudiyuma sir.

சமூக ஊடகங்கள்

காற்றில் ஆடும் சருகுகள் – 9

போராட்டங்களில் முடிவு மௌனத்தில் நிறைவு பெறுகிறது.

———————————————————————————————-

சந்நியாசிகள் உருவாவதில்லை. உருவாக்கப் படுகிறார்கள்.

———————————————————————————————-

இரு பெண் குழந்தையின் தகப்பனின் கண்களில் ஒரு கர்வம் இருக்கத்தான் செய்கிறது. முன்று பெண் குழந்தைகளை கொண்டிருப்பவனின் கண்களில் கர்வமும், கவலையும் தெரிகிறது.

———————————————————————————————-

பேருந்து நிலையத்தில் மனைவியிடம் பணம் பெறும் கணவனின் கண்கள் எப்போதும் மண் நோக்கியே இருக்கின்றன. கண்கள் நீர் கோத்தே இருக்கின்றன.

—————————————————————————————————————————————————————-

நேசித்தல் இயல்பாகும் வரையினில் வலிகள் இருக்கும்.

—————————————————————————————————————————————————————-

யாரும் அற்ற பேருந்து நிழற் குடையில் உறங்கும் மனிதனின் சந்தோஷங்கள் நிலையானவையா?

—————————————————————————————————————————————————————-

தனது மகனை முத்தமிடும் தாயின் கண்கள் எப்போதும் பனித்திருக்கின்றன.

—————————————————————————————————————————————————————-

பெண்ணைத் துறக்கும் எந்த ஆணிற்கும், தன் பெண்ணைத் துறத்தல் அரிதாகவே இருக்கிறது.

—————————————————————————————————————————————————————-

காரினில் முன்னிருக்கையில் தாயில் மடியில் அமர்ந்து வாயில் விரல் வைத்து செல்லும் குழந்தையின் கனவுகளும் ஏக்கங்களும் என்று நிஜமாகும்?

—————————————————————————————————————————————————————-திருமண கோலத்தில் இருப்பவர்களைப் பார்த்து மற்றவர்கள் ஏன் சிரிக்கிறார்கள் என்று இப்போழுது

தான் தெரிகிறது. (டேய், போடா, போடா)

சமூக ஊடகங்கள்

நகர மறுக்கும் நினைவுகள் – 9 – கொடியிலே மல்லிகைப்பூ

படம் : கடலோரக் கவிதைகள்

விடியற்காலையில் எழும் சிதம்பரம்கோயில் மணி ஓசையாய் வரிகள் ஆரம்பமாகின்றன். (ஒரு வெண்கலக் குரலுக்கு சொந்தக்காரர்– ஜெயச்சந்திரன்)

அன்பினைப் பகிர்தல் மட்டுமே அடிப்படையாக அமைக்கப்பட்ட காட்சி அமைப்புகள்.

மிகச் சிறிய குழந்தையின் தீண்டல் நம் வலிகளை எல்லாம் தீர்ப்பது போல் இப் பாடல் நம் வலிகளை தீர்க்கிறது.

தலைவன் தலைவி இருவரும் கடல் சூழ் பாறை அருகினில். தவைவனுக்கு முள் குத்திவிட்டது. தலைவி எடுத்து விடுகிறாள். பாடல் ஆரம்பமாகிறது. பின் புறத்தில் காலைச் சூரியன்.

கொடியிலேமல்லிகைப்பூ மணக்குதேமானே

எடுக்கவாதொடுக்கவாதுடிக்கிறேன் நானே

ஒரு ஆடு காண்பிக்கப்படுகிறது. தலைவி அதைத் துரத்துகிறாள். கைகளில் எடுக்கிறாள். தட்டாமாலை சுற்றுகிறாள். கடல் அலைகள் ஆர்ப்பரித்துக் கொண்டிருக்கின்றன.

பறிக்கச்சொல்லித்தூண்டுதேபவழமல்லித் தோட்டம்

நெருங்கவிடவில்லையே நெஞ்சுக்குள்ளே கூச்சம்

தலைவி வீட்டுக்குள் நடை பழகுகிறாள். அவள் பார்ப்பது ஏசு பிரான் படம்.

கொடியிலேமல்லிகைப்பூ மணக்குதேமானே

கொடுக்கவாதடுக்கவாதவிக்கிறேன் நானே

தலைவி நினைத்துப் பார்க்கிறாள். தலைவன் புத்தகங்களுடன். அவளுக்குள் புன்னகை.

வித விதமான புகைப்படங்களுக்கு தலைவி முகம் காட்டுகிறாள்.

பின்புறத்தில் கடல் அலைந்து கொண்டிருக்கிறது.

கடற்கரைமணலில்‘ ABCD’ எழுதப்பட்டிருக்கிறது. எதிர் எதிர் திசைகளில் இருவரும். இசைக்கு ஏற்றவாறு கடல் அலை வேகமாக பாய்கிறது.

மெதுவாகநடக்க ஆரம்பிக்கிறாள். மனம் நிச்சயமில்லாமல் இருக்கிறது. கனவுக்குள் இருக்கிறாள்.

மனசு தடுமாறும் அது நெனச்சா நிறம் மாறும்

மயக்கம்இருந்தாலும் ஒரு தயக்கம் தடை போடும்.

தலைவன் பல் விளக்குகிறான். கையில் நீர்ப்பாத்திரம். கொப்பளிபதற்கு பதிலாக அருந்துகிறான்.

நித்தம்நித்தம்உன் நெனப்பு நெஞ்சுக்குழி காயும்

இது மீண்டும் நிகழ்கிறது. அன்னை வேடிக்கைப் பார்க்கிறாள். ஆச்சரியப்படுகிறாள்.

மாடு ரெண்டு பாதை ரெண்டு வண்டி எங்கே சேரும்.

தலைவி மிகப் பெரிய இடத்தில் நடந்து வருகிறாள்

பொத்தி வெச்சா அன்பு இல்ல சொல்லிப்புட்டா வம்பு இல்ல

மேற்கே சூரியன வந்து விடுகிறது.

சொல்லத்தானே தெம்பு இல்ல இன்பதுன்பம் யாரால

தலைவி பாறை மேல் அமர்ந்திருக்கிறாள். மீன் பிடித்து வரவா என்கிறான் தலைவன். வேண்டாம் என்று மறுத்து விடுகிறாள் தலைவி. அதைக் கேட்காமல் கடலுக்குள் ஓடிச் செல்கிறான்.

மிகப் பெரிய அலையில் தலைவன் விழுகிறான்.

தலைவி திகைக்கிறாள். மீண்டும் அலைகள் மட்டும் வருகின்றன. தலைவனைக் காணோம்.

பறக்கும்திசையேதுஇந்தப் பறவை அறியாது

உறவோ தெரியாது அது உனக்கும் புரியாது

விழிகள்நாலா புறமும் அலைகின்றன. தலைவனைக் காண்வில்லை.

தலைவன் பிடித்துவந்த மீனைவைத்து பின்னால் இருந்து பயமுறுத்துகிறான்.

பாறையிலேபூ முளைச்சு பார்த்தவங்க யாரு

தலைவன் கேள்வி கேட்கிறான்.’பயந்துட்டியா‘

காட்டி அசைகிறது.

அன்பு கொண்ட நெஞ்சத்துக்கு ஆயுசு நூறு

இருவரும்சிரித்துமகிழ்கிறார்கள்.

காலம் வரும் வேளையிலே காத்திருப்பேன் பொன்மயிலே

மீண்டும்நிஜங்களுக்கு காட்சி வருகிறது. வீட்டில் அனைவரும் சாப்பாட்டிற்கு தயாராக இருக்கிறார்கள்.

தேதி வரும் உண்மையிலே சேதி சொல்வேன் கண்ணாலே.

கணத்தில்காட்சி மாறுகிறது. சில வினாடிகளுக்கு காட்சி தொடர்கிறது.

மனித மனங்களின் விசித்திரங்களில் ஒன்று அலைப்பார்த்தல். அதை உருவமாக ஆக்கி செய்திருக்கும் காட்சி அமைப்பு மிக ஆச்சரியம்.

அதனால் தான் மல்லைகையின் வாசம் மனதையும் விட்டு அகலாமல்

சமூக ஊடகங்கள்

காற்றில் ஆடும் சருகுகள் – 8

நம் குழந்தைகள் நம் முன்னே வளர்தல் தான் உலகின் மிகப் பெரிய அதிசயம்.

——————————————————————————————————————————————————————-

மறுத்தலில் மகிழ்வுறுபவன் மயானம்அடையான்.

——————————————————————————————————————————————————————-

மிகக் குறைந்த தூரம் ஷேர் ஆட்டோவில் பயணிக்கும் மிக வயதானவனில் அருகில் அமரும் இளம் பெண்கள், யாரும் அறியாமல் ஒரு இதழ் வழி புன்னகையை வயதானவனிடம் ஏற்படுத்துகிறார்கள்.

——————————————————————————————————————————————————————-

விளக்கில் இருந்து எடுத்த பின்னும் நூல் திரியில் இருக்கும் எண்ணை தீரும் வரை அது எரியும். அதுபோல் ஆன்மாக்கள் பக்குவம் பெறாமல் ஆசைகள் இருக்கும் வரை பழைய வாசனையின் காரணமாக பிறப்பு தொடர்ந்து கொண்டிருக்கும்.

——————————————————————————————————————————————————————-

சிறு மழையில், தாயின் குடையில் வராமல் தலையை குடைக்குள் வைத்து கைகளை மழையில் நனைந்து செல்லும் சிறார்களில் சந்தோஷங்கள் வலிமையானவை.

——————————————————————————————————————————————————————-

மனைவி : இன்னைக்கு லீவு. இன்னைக்கு முக்கியமா…. என்னங்க பேசாம இருக்கீங்க.

கணவன் : கையால் சைகை காட்டி – மௌனம் (எப்புடி)

மனைவி : எல்லா நாளும் அப்படித் தான் பேசாம இருக்கீங்க. இது என்ன புதுசா (எப்புடி)

——————————————————————————————————————————————————————-வாசிப்புக்கு உரிய கைகள் யாசித்தலே வாழ்வின் மகத்தான வலிகளில் ஒன்று.

——————————————————————————————————————————————————————-புகைவண்டியில் பயணிக்கும் போது பொருள் வேண்டி பாடும் கண்கள் அற்றவனின் ‘முத்துக்கள் சிரிக்கும் நிலத்தில்‘ என்ற பாடல் அதிக வலி உண்டாக்குகிறது.

——————————————————————————————————————————————————————-

தனது முதல் நரையைகாணும்ஆணின்மனவலிகள் அதிகமானவை. பெண்ணின் மனவலிகள் அதைவிடஅதிகமானவை.

——————————————————————————————————————————————————————-மனைவியின் ‘பயண்பாட்டிற்கு‘ ஏற்றவாறு கணவன் நேசிக்கப்படுகிறான்.

சமூக ஊடகங்கள்

2038 – Galaxy and Universe

Sir, Black hole concepts are very old and brown hole concepts was died 2014. Let us discuss about VIBGYOR holes.

Galaxy Broker – Do not worry sir. This is Dead galaxy. We are providing this galaxy at very less price Rs. 10/-

Galaxy Broker – ‘Namba payalgal’ identified new galaxy with 300 sextillion stars. (3 followed by 23 zeros). If you want we can show this and you could visit any time.

Husband – Though I am a scientist, I could understand Dark matter. But I am unable to find Rs.5/- from kitchen

Galaxy Broker – He is ‘Namba payal’. He only identified Dart flow with 700 galaxy cluster. You could choose any galaxy for rent.

சமூக ஊடகங்கள்

நகர மறுக்கும் நினைவுகள் – 8 – நான் வரைந்து வைத்த சூரியன்

படம் : ஜெயங்கொண்டான்.

இசை : இசைஞானிக்கு அடுத்து நான் நேசிக்கும் வித்யாசாகர்

பாடல் : யுகபாரதி

ஒரு நாள் வெளிநாட்டில் இருந்து ஒரு நண்பன் தொலைபேசியில் அழைத்தான்.

நான் ஒரு ‘ஹம்மிங்‘ சொல்றேன். அது என்னா படம் என்னா பாட்டுன்னு சொல்லு.

‘தெரியலடா‘

‘இல்ல அந்த பாட்ட FM வானொலியில் கேட்டுக் கொண்டே car ஒட்டினேன். படம் பேர் தெரிஞ்சா சொல்லு.

தீடிரெனஒரு நாள் அந்தப் பாட்டைக் கேட்க நிகழ்ந்தது. அப்பாடல் வரிகளுக்காக பல முறை இப்பாடலைக் கேட்டிருக்கிறேன்.

தலைவி தலைவன் கன்னத்தில் முத்தமிடுகிறான். தலைவன் மற்றொரு கன்னத்தைக் காட்டுகிறான். தலைவி சிரித்து விட்டு நடக்க ஆரம்பிக்கிறான்.

இசை ஆரம்பமாகிறது.

தலைவன் தலைவியை பின்னால் இருந்து தழுவிக் கொள்கிறான்.

நான் வரைந்து வைத்த சூரியன் ஒளிருகின்றதே

நான் நடந்து சென்ற மணல் வெளி மலருகின்றதே

நான் துரத்தி நின்ற காக்கைகள் மயில்கள் ஆனதே

என் தலை நனைத்த மழைதுளி அமுதம் ஆனதே

நான் இழுத்து விட்ட மூச்சிலே இசைக்கசிநதே

சிறந்த கவிதைக்கான அனைத்துக் கட்டுக் கோப்புகளுடன் பிற மொழி கலவாமல் அழகிய சந்தங்களுடன் ஒரு பாடல்.

தலைவன்

ஜன்னல் கம்பி உந்தன் கைகள் பட்டு பட்டு

வெள்ளி கம்பி என்று ஆகியதே

தலைவி

கம்பன் சக்கை உந்தன் கண்கள் தொட்டு தொட்டு

தங்க சிற்பமென்று மாறியதே

தலைவன்

பூக்கும்புன்னகையாலே என் தோள்கள் ரெக்கைகள் ஆக

மனது புன்னகைப்பதால் பறக்க ஆரம்பிக்கிறது

தலைவி

நாக்கு உன் பெயர் கூர என் நாள்கள் சக்கரை ஆக

தலைவியும்சளைத்தவல்அல்ல. பெயர் கூறுவதால் அந்த நாட்கள் இனிப்பாக ஆகின்றன.

தலைவன்

தலைகீழ்தடுமாற்றம் தந்தாய்

என்னில்என் கால்களில்

நிலை தடுமாறுதல் நிகழ்கிறது ஆனால் அது மகிழ்வாக.

தலைவன் தன் நிலை விளக்கம் தருகிறான். காதலைக் கற்றுக் கொண்டதை உணர்த்துகிறான்.

பள்ளி செல்லவில்லை பாடம் கேட்க வில்லை

அள்ளிக்கொள்ள மட்டும் நான் படித்தேன்

தலைவியும்தன்னிலைவிளக்கம்தருகிறாள். தான் முல்லைப் பூவாக தொடுக்க தயாராக இருப்பதை உணர்த்துகிறாள்.

நல்ல முல்லை இல்லை நானும் கையில் இல்லை

உன்னை மட்டும் இங்கு நான் தொடுத்தேன்

தலைவன் தன் தவிர்ப்பை தெரிவிக்கிறான்.

ஊஞ்சல் கயிரு இல்லாமால் என் ஊமை மனது ஆடும்

தலைவி பதில் உரைக்கிறாள்

தூங்க இடம் இல்லாமால் என் காதல் கனவை நாடும்

நொடியும் விலகாமல் கொஞ்சம்
கெஞ்சும் தஞ்சம் நெஞ்சம்

எல்லா நினைவுகளுக்கு பின்னும் இருக்கின்றன இறகின் சிறகசைப்புகள். அதனால் தான் இன்னும் காலம் கடந்து சூரியன் ஒளிர்கின்றது.

சமூக ஊடகங்கள்

காற்றில் ஆடும் சருகுகள் – 7

என்னதான்“iPhone 5s ” வைத்திருந்தாலும், 10 பைபேலன்ஸ் இல்லாவிட்டால் பேசமுடியுமா?

இப்படிக்கு நோக்கியா 1100 வைத்துiphone 5s க்குஆசைப்படுவோர் சங்கம்.

——————————————————————————-

தந்தை:

மனைவியிடம் பெற்ற காயங்கள் மருந்தாய் உருமாற்றம் கொள்கின்றன மகளால்.

——————————————————————————————————————————————————————-

வறுமை உடையவனை பெரும்பசிகள்வந்துசேர்கின்றன.

——————————————————————————————————————————————————————-

அன்பினைப் பெறுவதில் மிருகங்கள் விரும்புகின்றன. அதில் விலக்கம் கொள்ளும் மிகப்பெரியமிருகம் மனிதன்மட்டுமே.

——————————————————————————————————————————————————————-

எனக்கு 5 ரூ பொம்மைக் கார் வாங்கித் தந்தால், ஒவ்வொரு கன்னத்திற்கும் 10 முத்தம் தருவேன் என்ற மகளின் வார்த்தைகளில் மகிழ்வு கூடி தந்தையின் வாழ்வு நிலை பெறுகிறது.

——————————————————————————————————————————————————————-

நேசிப்பதை விட நேசமாய் இருப்பதாய் காட்டும் காலங்கள் அதிகமாக இருக்கின்றன.

——————————————————————————————————————————————————————-

வானவூர்தி பார்த்து கைஅசைக்கும் ஒருகுழந்தையின் மகிழ்வு, மிகஅதிகமாக சந்தோஷம் கொண்டமனிதனின் மகிழ்வினை விடஅதிகம்.

——————————————————————————————————————————————————————-

தந்தையின் கண்கள்பார்த்துப் பேசும்சிறுபெண்குழந்தையின் கண்கள்ஆயிரம்கவிதைகளைச் சொல்கின்றன. பதில்பேசும்தந்தையின் கண்கள்இன்னும் பல்ஆயிரம்கவிதைகளைச் சொல்கின்றன.

——————————————————————————————————————————————————————-

வாழ்வு நிச்சயமாக மாறாமல் இருக்கிறது. உ.ம் 31ம் தேதி இரவு வங்கிக் கணக்கும், 1ம் தேதி தேதி இரவு வங்கிக் கணக்கும்.

——————————————————————————————————————————————————————-

காதலி – நீங்க இப்படிபேசினா, இனிமேபேச்சநிறுத்திடுவேன்.

காதலன் – சரி, இனிமேஇப்படிபேசல.(இது தெரிஞ்சிருந்தா, 3 வருஷத்திற்கு முன்னமே உன்சகவாசத்தை கட்பண்ணியிருப்பேனே. வடபோச்சே.)

சத்யமாக ஒட்டு கேட்டது.

சமூக ஊடகங்கள்

சைவத் திருத்தலங்கள் 274 – சிறு குறிப்பு

திருஞான சம்மந்தர் தனது எல்லா பாடல் அமைப்புகளிலும் ஒரு ஒழுங்கு முறையைக் கையாண்டிருக்கிறார்.

8 வது பாடல் – இராவணன் பற்றிய நிகழ்வு

9 வது பாடல் – ப்ரம்மா மற்றும் திருமால்

10 வது பாடல் – சமணர்

11 வது பாடல் – நூல் பயன்

இராவணன் சிறந்த சிவபக்தன் என்றாலும் அவனிடத்தில் அதிகமாக ஆணவமும், மாயையும், கண்மமும் இருந்தது.

இதனால் சிவத்தலங்கள் பற்றிய பாடல்கள்களில், திருஞான சம்மந்தர் பாடி இருப்பின் அதில் 8 பாடலை விளக்கப் பாடலாக எடுக்க உள்ளேன்.

கருத்துக்கள் வரவேற்கப்படுகின்றன.

சமூக ஊடகங்கள்

நகர மறுக்கும் நினைவுகள் – 7 – கனவு காணும் வாழ்க்கையாவும்..

படம் : நீங்கள் கேட்டவை

கண்கள் அற்றவனின் பாத்திரத்தில் உருளும்ஒற்றை நாணயத்தின் ஒலிகளாய், மரணமும் மயானம் நோக்கி நகர்தலில் துவங்குகிறது பாடல்.

எதிர் எதிர் நிகழ்வுகளை ஒன்று படுத்தி காட்சி ஏற்படுத்தி இருக்கிறார் பாலு சார்.

கனவு காணும் வாழ்க்கையாவும் கலைந்து போகும் கோலங்கள்

துடுப்புகூட பாரம் என்று கரையை தேடும் ஓடங்கள்

கனவு காணும் வாழ்க்கையாவும் கலைந்து போகும் கோலங்கள்

மனிதனின்அழுகை பதிவு செய்யப்படுகிறது. மீண்டும் பிணம் எரிகிறது. நாய்கள் தனது தாயிடம் பால் அருந்துகின்றன.

மயானத்திலிந்து மனிதன் நடந்து வருகிறான்.சிறிய குழந்தை தனது கண்களை உருட்டிப் பார்க்கிறது. அடுத்த காட்சியில் கல்லறைகள்.

பிறக்கின்ற போதே, பிறக்கின்ற போதே இறக்கின்ற செய்தி இருகின்றதென்பது மெய்தானே

பாடுபவன்பாடிக் கொண்டே நடந்து வருகிறான். லாட்டரி சீட்டு வியாபாரம் நடக்கிறது. காமம் அரங்கேற்றம் கொள்கிறது.

ஆசைகள் என்ன, ஆசைகள் என்ன, ஆணவம் என்ன, உறவுகள் என்பதும் பொய் தானே

அசைவுகள்அற்று வயதானவன் படுத்திருக்கிறான்.

உடம்பு என்பது, உடம்பு என்பது உண்மையில் என்ன கனவுகள் வாங்கும் பை தானே…

மிகப் பெரிய மனித கூட்டம் நகர்ந்து கொண்டிருக்கிறது. சினிமா விளம்பரப் பலகைகள். படத்தின் பெயர் ஊமை ஜனங்கள். மீண்டும் மெல்லிய சூரிய கதிர்கள் வானில் இருந்து பிரகாசிக்கின்றன. காற்று வேகமாக அடிக்கிறது. நீர் நிலைகளில் நீர் கடந்து கொண்டிருக்கிறது. மரங்கள் பூத்துக் குலுங்குகின்றன. நீர் நிலைகளும் பிறகு நீர் அற்றதால் வெடிப்புற்ற நிலங்களும் காட்சிகளில்.

காலங்கள்மாறும், காலங்கள்மாறும் கோலங்கள் மாறும் வாலிபம் என்பது பொய் வேஷம்.

சிறிய குழந்தை அழும் காட்சியும், வயதான மூதாட்டியின் நிலை பெற்ற பார்வையும். கடற்கரையினில் காதலர்களும் அதைத் தொடந்து வயதானவனின் நிலை பெற்ற பார்வையும்.

தூக்கத்தில் பாதி, தூக்கத்தில் பாதி ஏக்கத்தில் பாதி போனது போக எது நீதம்.

வாகனத்திற்கு வெளியே காலகளை நீட்டி ஒருவன் உறங்குகிறான். குழுக்களாய் மனிதர்கள் ஏதோ ஒன்றைத் தேடுபவர்களாய்.

நட்சத்திரஒட்டலும்பின்பு உழைப்பாளர் சிலையும். பாடல் தொடர்கிறது.

பேதை மனிதனே, பேதை மனிதனே கடமையை இன்றே செய்வதில் தானே ஆனந்தம்

இசைத்துக்கொண்டே பாடுபவன் அமர்ந்திருக்கிறான்.

கனவு காணும் வாழ்க்கையாவும் கலைந்து போகும் கோலங்கள்

துடுப்புகூட பாரம் என்று கரையை தேடும் ஓடங்கள்

கனவு காணும் வாழ்க்கையாவும் கலைந்து போகும் கோலங்கள்

உறுத்தாதகணவன் மனைவி உறவாய் பாடலும் இசையும் மிக சரியான விகிதத்தில்.

முள்ளை முள்ளாய் எடுப்பது போல், மிக அதிக மனப் பாரங்கள் இருக்கும் காலங்களில் தனித்து இப்பாடலை கேட்கும் போது இப்பாடல் வலிகளை மருந்தாய் இட்டுச் செல்கிறது.

அருவி நம் உடலை தூய்மை செய்வது போல் பாடல் வரிகளும் இசையும் காட்சி அமைப்பும் நம் மனப் பாரங்களை நீக்குகின்றன.

நிலையாமைத் தத்துவங்களின் மிக முக்கிய பணி தன்னை உணர்தல், தன் வலி உணர்தல். அதை இப்பாடல் மிக சிறப்பாகவே செய்கிறது. அதனால் தான் இன்னும் கனவு காணும் வாழ்வு நகர்ந்து கொண்டிருக்கிறது.

சமூக ஊடகங்கள்

காற்றில் ஆடும் சருகுகள் – 6

மனிதர்களை விட வீடுகள் அதிகமாக வலிகளைஉள்வாங்குகின்றன.

——————————————————————————-விடுமுறை தினத்தில் எழுப்பப்படும் குழந்தைகளின் ‘5 மினிட்ஸ் ப்ளிஸ்‘ என்ற வார்த்தைகள் நூறு ஆயிரம் சிறகசைப்புகளை தோற்றுவிக்கிறது.

—————————————————————————————————————————————————————–

ஒவ்வொரு பனித்திருக்கும் கண்களும் உணர்த்துகின்றன தனதுப்ராத்தனையை இறைவன்ஏற்றுக் கொண்டதை.

—————————————————————————————————————————————————————–

இருக்கை முன்அமர்த்து செல்லும் 3 வயதுபெண்குழந்தை ‘வெவ்வே‘ என்றுபழிப்பு காட்டுவதில் பயணம்முடிந்து விடுகிறது. நினைவுகள் மட்டும் தொடர்கிறது.

—————————————————————————————————————————————————————–

உதிரும் சொற்களை விட உலரா கண்ணீரும், அதன் சார்ந்த மௌனமும் பெரும் காயம் ஏற்படுத்துகின்றன.

—————————————————————————————————————————————————————–

காலைநேரத்தில் வெற்றுகாகிதத்தை விரட்டி சிறுநாயின்சந்தோஷம் மனிதசந்தோஷங்களை விடமிகஅதிகமாக தெரிகிறது.

—————————————————————————————————————————————————————–

பேருந்தில் பயணம்செல்பவர்களை விடஅவர்களின் கனவுகள் அதிகமாக இருக்கின்றன. அக்கனவுகள் முதல்இழப்பைவிடஅதிகவலியுடன் இருக்கின்றன.

—————————————————————————————————————————————————————–

வித்தை தெரிந்த வீரன் மரணத்தின் போது மட்டும் போராடுவதில்லை. மரணம் வரும் வரை போராடுவான். நான் வீரன்.

—————————————————————————————————————————————————————–

தனி மனித வாழ்வு எப்போதும் பிறரால் தீர்மானிக்கப் படுகிறது. உ.ம் பேருந்தில் ஜன்னல் அருகில் இருப்பவன் நமக்கும் சேர்த்து முடிவு செய்கிறான் நமக்கு காற்று வேண்டுமா இல்லையா என்று.

—————————————————————————————————————————————————————–

மறுதலித்தலும் நிராகரிக்கப்படுவதும் வீட்டில் இருந்து தொடங்கப்பட வேண்டும். ஏன்எனில்அவைகள்உலகங்களால் கற்றுக் கற்றுத்தரும் போதுவலிகள்அதிகமாக இருக்கும்.

சமூக ஊடகங்கள்

நகர மறுக்கும் நினைவுகள் – 6 – உன் கண்ணில் நீர் வழிந்தால்..

படம் :வியட்நாம் வீடு

இன்றைக்குஇருப்பதுபோல் மிகப் பெரிய காட்சி அமைப்புகள் இல்லாமல் கவிதையும் இசை சார்ந்த வடிவங்களும் கொண்ட ஒரு பாடல்.

ஒரு நிஜமான கணவன் மனைவியின் வாழ்வுகள் பதிவு செய்யப்பட்ட பாடல். பாரதியின் சாயலில் கண்ணம்மா என்று அழைத்தலும் உண்டு.

மிகவும்கைத் தேர்ந்த மருத்துவரின் கத்தி நோயாளின் காயத்தை சுற்றி அறுப்பது போல், இசையின் முன்னறிவிப்பு இன்றி TMSன் குரலில் பாடல் ஆரம்பம் ஆகிறது.

உன் கண்ணில் நீர் வழிந்தால்

என் நெஞ்சில் உதிர‌ம் கொட்டுத‌டி

என் கண்ணின் பாவை அன்றோ கண்ண‌ம்மா

என்னுயிர்நின்னதன்றோ..

தலைவனின்நிலை கண்டு கலங்குகிறாள் தலைவி. மண் நோக்கிய அழுகை. (தலைவன் கண்டு விடுவானோ என்ன? ).

திருமண நிகழ்வு தொடங்குகிறது. அக்னி வலம் வருதல் தொடர்கிறது.

வார்த்தகளின் ஆரம்பங்களில் நிகழ்காலம்.

தலைவன் அமர்ந்திருக்கிறான். தலைவி அவன் காலடியில்.

உன்னை கரம் பிடித்தேன்

வாழ்க்கைஒளிமயமானதடி

தலைவி கண்ணில் மகிழ்வுடன் கூடிய கண்ணீர். (நவ ரசங்களையும் காட்டிய நாயகி அல்லவா)

பொன்னை மணந்ததினால்

உலகில் புகழும் வளர்ந்ததடி

கம்பீரத்துடன் கூடிய தலையாட்டல் (ஒரு சூரியன், ஒரு சிவாஜி)

தலைவியின்அழுகையினைதுண்டால்துடைத்துவிடுகிறான்.

மரமும் அதன் வேர்களாக குழந்தைகளும். கண நேரத்தில் வேர்கள் மறைகின்றன. மாபெரும் வலியினை உள் வாங்கி தலைவன். நிலை குலைந்து விழுகிறான் தலைவன். தாங்கிப் பிடிக்கிறாள் தலைவி.

தலைவனும்தலைவியும்ஊஞ்சலில்.

கால சுமைதாங்கி போலே

மார்பில்எனை தாங்கி

வீழும் கண்ணீர் துடைப்பாய்

அதில் என் விம்மல் தணியுமடி

ஆலம் விழுதினை போல்

உறவு ஆயிரம் வந்தும் என்ன‌

என் வேரென நீ இருந்தாய் ‍‍

அதில் வீழ்ந்து விடாதிருந்தேன்.

பார்வை அற்றவர்களின் பாத்திரத்தில் உருளும் ஒற்றை நாணயமாய் காட்சிகளும், பாடல் வரிகளும்.

காட்சி மாறுகிறது.

தலைவி மடியினில் தலைவன். தலை கோதுகிறாள். காட்சி மாறுகிறது.

காலம் மாறி இருக்கிறது. தலைவி மடியினில் தலைவன். தலை கோதுகிறாள்.

முள்ளில்படுக்கையிட்டு

இமையை மூடவிடாதிருக்கும்

பிள்ளை குலமடியோ

என்னை பேதைமை செய்ததடி

பேருக்குபிள்ளை உண்டு

பேசும் பேச்சுக்கு சொந்தமுண்டு

பேருக்குபிள்ளை உண்டு

பேசும் பேச்சுக்கு சொந்தமுண்டு

தலையை நிமிர்ந்து பார்க்கிறான் தலைவன்.

என் தேவையை யார் அறிவார்

வினாக்குறி தலைவி கண்களில்.

என் தேவையை யார் அறிவார் உன்னை போல்

தெய்வம்ஒன்றே அறியும்

தலைவி தலைவனின் கைகளை கன்னத்தில் வைத்துக் கொள்கிறாள்.

உன் கண்ணில் நீர் வழிந்தால்

என் நெஞ்சில் உதிரம் கொட்டுதடி

என் வரையில் தில்லானா மோகனாம்பாள் படத்தில் இருவருக்கும் போட்டி இல்லை. இப்பாடலே அப்படம் முழுவதையும் காட்டி விடுகிறது.

காலம் கடந்து கணவன் மனைவி அன்னியோனத்தை காட்டும் மிக அழகான பாடல்.

இன்னமும் நீர் வழிந்து கொண்டிருப்பதே பாடலின் வெற்றிக்கு சாட்சி.

சமூக ஊடகங்கள்

காற்றில் ஆடும் சருகுகள் – 5

எதிர்பாராமல் குழந்தைகளால் பெறப்படும் முத்தங்களால் சில கனவுகள் கலைகின்றன. பல கனவுகள் உருவாகின்றன.

——————————————————————————————

கொடுக்கும் கைகளை விட அதிக வலிமை வாய்ந்தவை இரக்கும் கைகள் அதைவிட வலிமை வாய்ந்தது வயிறு.

——————————————————————————————

தன்கோபங்கள் உடைந்து மகிழ்வு பிறக்கும் நேரம்அலாதியானது.வாழ்வினில் என்னஇருக்கிறது தன்கோபம்உடைத்தல் தவிர.

——————————————————————————————

பேருந்தில் பயணம் செய்பவர்களை விட புகைவண்டியில் பயணம் செய்பவர்களின் கண்களில் வெறுமை மிக அதிகமாக தெரிகிறது.

——————————————————————————————————————————————————————-

அடபிக்காளிப் பயலுகளா, மாட்டுப் பொங்கல்னா மாட்டுக்கு படைக்கிற பொங்கல்டா, மாட்டைவெட்டிபொங்கல் படைக்கறது இல்லடா.

——————————————————————————————————————————————————————-

கர்வம்கொள்வதில் பெண்கள் முதன்மையானவர்களாக இருக்கிறார்கள். எப்பொழுதும் கர்வத்தை மறைக்கமுடியவில்லை. தனதுமகனிடம் முத்தம் பெறுவதில் தனிகர்வம்தெரிகிறது.

——————————————————————————————————————————————————————-

த்யானம் – தனதுமகளும்பேசிச்செல்லும் ஒவ்வொரு தகப்பனும் உணர்கிறான் இறைவனின் அருகாமையை.

——————————————————————————————————————————————————————-

எல்லாநாளும் SMS அனுப்புறவன் ஃப்ரெண்ட் இல்ல, வருஷபொறப்புக்கும் ஃப்ரெண்ட்ஷிப்டேக்கும் அனுப்புறவன் தான்ஃப்ரெண்ட்.

அப்பன்காசில் SMS அனுப்புவோர் சங்கம்

——————————————————————————————————————————————————————-

இன்னைக்கு புதுவருஷம்பொறந்திருக்கு. இன்னைக்கு எங்கயும் வெளியில போகவேண்டாம். இந்தவருஷத்தில் இருந்தாவது சொல்லாமலே எல்லாவேலையும் நீங்களே செய்ங்க.

Mr.X : எனக்கு மட்டும் தான்லீவேகிடையாது போல. அதுசரிஅடிமைகளுக்கு ஏதுசுயசிந்தைகளும்/சிந்தனைகளும்.

நிகழ்ச்சி இத்துடன் நிறைவுபெறுகிறது.

——————————————————————————————————————————————————————-

ஏங்கஇன்னைக்கு லீவுதானே,கொஞ்சம் கடைக்கு போய்காய்கறி வாங்கிகிட்டு வாங்க,பசங்கள டிராயிங் கிளாஸ்ல விட்டுட்டு வாங்க,பாட்டு கிளாஸ்லயும் விட்டுஅழைச்சிகிட்டு வாங்க, T.Vம்மிக்ஸியும் ரிப்பேரா இருக்கு அதசரிபண்ணனும், காஸ்அடுப்பு ஒரேஅழுக்கா இருக்கு, அதகொஞ்சம் தொடச்சி தாங்க.

ஏங்கஇந்தவெண்டைக்காய வாங்கிட்டு வந்தீங்க, நல்லாவே இல்ல, அப்புறம் இன்னைக்கு இன்னும் வேலஇருக்கு, ப்ரெண்ட்ஸ் வராங்கன்னு ஊர்சுத்தபோயீடாதீங்க, இப்பஎன்னாசெஞ்சிகிழிச்சிட்டீங்க, பாட்டுவேண்டிகிடக்கு

மனைவி: என்னான்னே தெரிலங்க, ஒரேதலவலியா இருக்கு.

சமூக ஊடகங்கள்

நகர மறுக்கும் நினைவுகள் – 5 பூந்தளிர் ஆட

இது என் பதினெண் வயதுகளில் ஒலிக்கத் துவங்கிய பாடல்.

படம் : பன்னீர் புஷ்பங்கள்.

புகைவண்டி நகர்தலும் பேச்சுக்கள் ஆரம்பம் ஆவதும் ஒரே நேரத்தில் நிகழ்கின்றன.

பூந்தளிர் ஆட

பொன்மலர் சூட

சிந்தும் பனி வாடை காற்றில்

கொஞ்சும் இரு காதல் நெஞ்சம்

பாடும் புது ராகங்கள்

இனி நாளும் சுப காலங்கள்

வாடைக்காற்று வீசத் துவங்குகிறது. நண்பர்கள் வட்டம் மெதுவாக வேடிக்கைப் பார்க்கிறது. கைகளில் இருப்பதை விளையாட்டாய் பேசிக் கொண்டே விளையாடத் துவங்குகிறாள் தலைவி. மரத்தில் தலைவன். மிதி வண்டி அருகினில் நாயகி.

உணவு படைக்கப்படும் இடத்தில் இருவரும் எழுதிக் கொண்டே இருக்கிறார்கள்.புன்னகை இருவருக்கும்.

வாகனத்தில் வருகையில் கை அசைக்கும் காட்டுப் பூப் போல இசை நகர்ந்து கொண்டிருக்கிறது.

நாயகி வாசிக்கத் துவங்குகிறாள். நாயகன் தானும் வாசிக்க முற்படுகிறான். பல முறைகள் நிகழ்கிறது.

காதலை ஏற்றும் காலையின் காற்றும்

நீரை தொட்டு பாடும் பாட்டும் காதில் பட்டதே

வாலிப நாளில் வாசனை பூவின்

வாடை பட்டு வாடும் நெஞ்சில் எண்ணம் சுட்டதே

கோடிகள் ஆசை கூடிய போது

கூடும் நெஞ்சிலே… கோலம் இட்டதே…

தேடிடுதே பெண் காற்றின் ராகம்…

தலைவி தேடுகிறாள். தோற்றுப் போகிறாள். தலைவன் ‘கொக்கு‘ காண்பிக்கிறான்.

பூமலர் தூவும் பூ மரம் யாவும்

ம் ம் ம்

போதை கொண்டு பூமி தன்னை பூஜை செய்யுதே

அ..அ..அ

பூ விரலாலும் பொன் இதழாலும்

ம் ம் ம்

பூவை எண்ணம் காதல் என்னும் இன்பம் சொல்லுதே

பூமழை தூவும் புண்ணிய மேகம்

பொன்னை அள்ளுதே எண்ணம் மிஞ்சுதே

ஏங்கிடுதே என் ஆசை எண்ணம்

புகை வண்டியில் பயணம் தொடர்கிறது, விளையாட்டு விளையாட்டு என நகர்ந்து கொண்டிருக்கிறது(கூடவே வாழ்வும்)

நாயகி நேரம் கழித்து ஓடி வருகிறாள். தலைவனிடம் கோபம் மட்டுமே இருக்கிறது. தலைவி கை குலுக்கி கோபத்திற்கு முற்றுப் புள்ளி வைக்கிறாள். தலைவன் முரண்படுகிறான். பிறகு கோபம் மறைகிறது இருவருக்கும்.

இருவரும் மீன் பிடிக்கிறார்கள். தூண்டிலில் மீன் சிக்குகிறது. ஒரு சிறிய பயமுறுத்தல் தொடங்குகிறது.

சைக்கிளில் பயணம் தொடர்கிறது. கதிரவன் சாட்ஷியாக இருக்கிறான்.

பள்ளிக் கூட வாழ்வியல் அழகாகப் படைக்கப் பட்டிருக்கிறது.

காலம் உறைத்துவிட்ட தளிர்கள் இன்னும் இளமையாய், இனிமையாய்.

சமூக ஊடகங்கள்

காற்றில் ஆடும் சருகுகள் – 4

ஏங்க, இன்னைக்கு லீவுதான, கொஞ்சம் கடைக்கி போய்மளிகைசாமான்வாங்கிவந்திடுங்க,உங்கடிரஸ்எல்லாம் அயர்ன்கொடுத்து வாங்கிவச்சிருங்க, காலைலசாப்டமாட்டீங்க தானே(நான் எங்க சொன்னேன்), ஒரேதடவையாமதியம்சாப்டுக்கலாம், ரேஷன்போய்ட்டு வந்துடுங்க, பசங்கசட்டைஎல்லாம் வாஷிங்மிஷின்ல போட்டுதொவச்சி அயன்பண்ணிடுங்க, என்வண்டிக்கு பெட்ரோல் போட்டுகாத்துஅடிச்சிட்டு வந்துடுங்க., நேந்துநீங்ககாயவச்சதுணிஎல்லாம் மாடிலகாயுதுஅதெல்லாம் எடுத்து வந்துடுங்க, இன்னைக்கு(ம்) டீவிஉங்களுக்கு கிடையாது. இப்பவேகண்ணகட்டுதே…..

மாலை: என்னன்னே தெரில, இன்னைக்கு ஒரேடயர்டாஇருக்கு.

அடிப்பாவி நான்பேசவேண்டிய வசனத்தை எல்லாம் இவபேசறாளே…

——————————————————————————————————————————————————————-

யாரும்அற்றபொழுதுகளில் கண்ணாடியில் தன்னைப் பார்த்துக் கொண்டேதோழமைகளுடன் மனம்விட்டுசிரித்துப் பேசும்வாய்ப்பு எப்பொழுதாவது தான்வாய்க்கிறது.

——————————————————————————————————————————————————————-

மனிதன்கர்வம்அழித்தலில் மருத்துவ மனைகளில் பங்குமகத்தானது.

——————————————————————————————————————————————————————-

தனதுமகளைபிறந்தஉடன்தீண்டும் தந்தையின் கண்கள்எவரும்அறியாமல் எப்போதும் பனித்திருக்கின்றன. அதுஆயுட்காலம்முழுவதும் தொடர்கிறது.

——————————————————————————————————————————————————————-

திருமணம் ஆனஉடன்மனைவியுடன் வெளியில் செல்கையில் ‘இந்தாம்மா மல்லிகை பூ5 முழம்கொடு‘ என்றுகடையில் கேட்பவனிடம் ஒருபுன்னகை கலந்தவெட்கம் தெரிகிறது.

——————————————————————————————————————————————————————-

யாருமற்ற இரவில்கணவனைஒருகண்ணால் கண்டுவிட்டு, மகனுக்கு போர்வைபோர்த்தி, அவனின்தலைகோதிகன்னத்தில் முத்தமிட்டு ஒருநிண்டபெருமூச்சுடன் உறங்கஒருதாயால்மட்டுமே முடிகிறது.

——————————————————————————————————————————————————————-

தன்மனைவியுடன் கைகோர்த்து நடக்கும் வாய்ப்பு ஒருசில‘புண்ணியவான்‘களுக்கே கிடைக்கிறது.

——————————————————————————————————————————————————————-

வேலைக்கு செல்லும் பெண்ணைப் பார்த்து ‘அவளுக்கு என்ன‘ எனும்பொழுதுகளில் அவளதுகண்களில் தெரிகிறது உயிரின் வலிகள்.

——————————————————————————————————————————————————————-

மனிதமனதின்பெரும்பாரம்குறைத்தலில் இறைமைக்கு அடுத்தநிலையில் குளியல் அறைகள்.

——————————————————————————————————————————————————————-

மிகஅதிகசந்தோஷத்தையும், மிகஅதிகவலியையும் கொடுத்து இதயத்தை ஈரமாக்கும் நிகழ்வு தந்தைக்கு – தன்மகள்ருதுவாகும் போது.

சமூக ஊடகங்கள்

காற்றில் ஆடும் சருகுகள் – 3

ஒவ்வொரு மழையும் கழுவிவிடுகிறது சிலபழையநினைவுகளை. உருவாக்கிறது சிலபுதுநினைவுகளை.

——————————————————————————-

நிகழ்காலநிகழ்வுகள்

கடந்தகாலங்களில்

அபத்தமாகின்றன.

——————————————————————————-

மறுக்கப்படுவதின் வலிஅறிந்தவர்களே மன்னித்தலுக்கு தயாராகிறார்கள்.

——————————————————————————-

நெருப்பில் இடப்படும் நெய், நெருப்பினை அதிகப்படுத்துவது போல், ஒவ்வொரு இருளும் பலநட்புகளை உறுதிப்படுத்துகின்றன.

—————————————————————————————————————————————————————–

ஆற்று நீராய் வழியும் அனைத்து வலிகளும் அடங்கிவிடுகின்றன ஒருமெய்த்தீண்டலில்.

—————————————————————————————————————————————————————–

வீரன்வாள்எடுத்தபிறகுஎதிரிஎன்றும், புல்லுருவி என்றும் பார்ப்பதில்லை. இலக்குஇரத்தம் பார்த்தலுடன் கூடியவெற்றிமட்டுமே.

—————————————————————————————————————————————————————–

அழுக்கு ஆடைகளுடன் இருப்பவனைச் சுற்றிஇருக்கும் நாய்கள் அழகானவைகள். அவைகளுக்கு பொரையைகொடுத்து விட்டுஅதில்மகிழ்ச்சி அடையும் அவனதுகண்களும் அழகானது

—————————————————————————————————————————————————————–

இரு சக்கர வாகனத்தில், மனைவிமற்றும் இருகுழந்தைகளுடன் செல்பவனின் கண்களில் ஒருகர்வம்இருக்கத்தான் செய்கிறது.

—————————————————————————————————————————————————————–

முன் வாகனத்தில் செல்லும் பெண்ணின் கைப்பட்டு சரிசெய்யப்படும் அவளதுகூந்தலில் கரைகின்றன பலமனங்கள்.

—————————————————————————————————————————————————————–

வாக்கியங்கள் முழுமை பெறுகின்றன ஒருமுற்றுப் புள்ளியில்.

சமூக ஊடகங்கள்

ஆத்மாவின் ராகங்கள்

(இசைஞானி பற்றிய சிறு சிறு செய்திகள். அவர் மூச்சுவிடுவது முதற்கொண்டு அவரைப்பற்றி எழுத ஆட்கள் உண்டு. என்றாலும் இது குழந்தைகள் பொம்மை வைத்து சமையல் செய்வது போன்றது இது).

சமீபத்தில் தொலைக்காட்சியில் ஒரு காட்சி.

சார், நீங்க இந்த 30 வருஷத்துல செய்த சாதனை ரொம்ப பெருசு சார். அதெல்லாம் தனித்தனியா எழுதி பிரிக்கணும்னா 200 வருஷம் ஆகும் சார். வயலின் இடத்தில் வீணை, வீணை இடத்தில் வயலின், அதெப்படி சார் மாத்தி மாத்தி, எப்படி உங்களால முடியுது சார்.

ராஜா சார் : வழக்கமான புன்னகை.

நீங்க எப்படி சார், எது பத்தியும் யோசிக்காம எழுதுறீங்க. எழுதுன நோட்ஸ எப்பவாது திருப்பி பார்ப்பீங்களா?

ராஜா சார் : எழுதுறது நான் இல்ல, அது பத்தி யோசிச்சா, எழுதுறது நானா இருப்பேன். இசை இருக்காது. இப்ப அப்படி இல்லை. இசை தன்வழியில் எழுதுகிறது.

சார் உண்மைய சொல்லுங்க சார், பத்து அவதாரம் தாண்டிய பிறவி தானே சார்.

சமூக ஊடகங்கள்

நகர மறுக்கும் நினைவுகள் – 4 பூங்காற்று திரும்புமா?

காரணங்கள்அற்று ஒரு குரலில் மயக்கம்(வேறு எப்படி வகைப்படுத்த முடியும்) உண்டு எனில் அதில் திரு. மலேஷியா வாசுதேவன் அவர்களுக்கு எப்போதும் ஒரு இடம் உண்டு.

அந்த வகையில் அவர் குரலில் இன்றைக்கும் மயங்கும் ஒரு பிறவி நான்.

பாடல் ஆரம்பமாகிறது. தலைவன் ஒரு கல்லில் அமர்ந்திருக்கிறான். மெதுவாக அவனுள் இருக்கும் வலிகள் சொற்களின் வடிவம் பெற்று காற்றுடன் கலக்க ஆரம்பிக்கின்றன.

மெதுவாகவேட்டியின் நுனிகள்காற்றில்ஆட ஆரம்பிக்கின்றன. ஆடுகள் மேய்ந்து கொண்டிருக்கின்றன.

பூங்காற்று திரும்புமா என் பாட்ட விரும்புமா

தாலாட்டமடியில்வெச்சுப்பாராட்ட

எனக்கொருதாய் மடி கெடைக்குமா

மெதுவாகநடை பயணம் தொடங்குகிறது. மெதுவாக மீண்டும் காற்று அசைகிறது.

ராசாவே வருத்தமா

வார்த்தைகளில் முடிக்கும் முன்பே ஒரு குயில் கூவ ஆரம்பிக்கிறது. காற்றின் வீச்சமும் குயிலின் கீதமும் இணைய ஆரம்பிக்கின்றன.

ஆகாயம் சுருங்குமா ஏங்காதே அத ஒலகம் தாங்காதே

அடுக்குமாசூரியன்கருக்குமா

விழிகள்தேடலை ஆரம்பிக்கின்றன. பாதங்கள் நடை பயிலுகின்றன. ஆற்று நீர் வழிந்தோடுகிறது. தலைவி கரையில் அமர்ந்திருக்கிறாள்.

என்ன சொல்லுவேன் என்னுள்ளம் தாங்கல

மெத்த வாங்கினேன் தூக்கத்த வாங்கல

தலைவி பதில் உரைக்கிறாள்.

இந்த வேதன யாருக்குத்தான் இல்ல

ஒன்ன மீறவே ஊருக்குள் ஆளில்ல

உரையாடல்தொடர்கிறது

ஏதோ என்பாட்டுக்கு நான் பாட்டுப் பாடி

சொல்லாதசொகத்த சொன்னேனடி

சோக ராகம் சொகந்தானே(சொல்லில் முடிவில் பறவை பறக்கிறது)

குயில் முகம் காட்ட மறுக்கிறது. தோணியில் குயிலில் பயணம் தொடர்கிறது. தலைவன் பயணம் தரையில் தொடர்கிறது.

உள்ள அழுகுறேன் வெளிய சிரிக்கிறேன்

நல்ல வேஷந்தான் வெளுத்து வாங்குறேன்

குயில் ஆறுதல் கூறுகிறது.

உங்க வேஷந்தான் கொஞ்சம் மாறனும்

எங்க சாமிக்கு மகுடம் ஏறனும்

தலைவன் பயணம் தொடர்கிறது

மானே என் நெஞ்சுக்குப் பால் வார்த்த தேனே

முன்னே என் பார்வைக்கு வாவா பெண்ணே

எசப் பாட்டு படிக்கேன் நானே

தன் மன வலிகளை குறைத்திடும் தோள்களைத் தேடுகிறான் தலைவன்.

பூங்குயில் யாரது

கொஞ்சம்பாருங்கபெண் குயில் நானுங்க.

இன்று வரையில் சிவாஜின் அந்த கடைவாய் புன்னகையை யாரும் நெருங்க முடியவில்லை.

அடி நீதானா அந்தக் குயில்

யார் வீட்டு சொந்தக் குயில்

ஆத்தாடிமனசுக்குள்ள காத்தாடி

பறந்ததேஒலகமே மறந்ததே

சிவாஜியின் மேலும் கீழுமான பார்வை புன்னகையுடன் (என்ன சொல்ல)

நான்தானேஅந்தக் குயில்

தானாக வந்தக் குயில்

ஆத்தாடிமனசுக்குள்ள காத்தாடி

பறந்ததாஒலகந்தான்மறந்ததா

காமம் கடந்த விஷயங்களை, இயல்பான மனித வாழ்வின் மிகப் பெரும் வலிகளை காலம் பதிவு செய்து கொண்டிருக்கிறது. அதானால் தான் பூங்காறு இன்னும் வீசிக் கொண்டிருக்கிறது.

துக்கடா:

சார் நீங்க முதல் மரியாதை படத்துட நடிச்சது பத்தி…

சிவாஜி: நான் எங்க நடிச்சேன். அந்த பய என்ன படத்துட நடக்க வச்சி படத்த முடிச்சிட்டான்.

Image – Internet

சமூக ஊடகங்கள்

நகர மறுக்கும் நினைவுகள் – 3 ஆச்சார்ய தேவோ பவ:

பள்ளி நாட்களைப் பற்றிய நினைவு எப்போதும் விலகுவதில்லை.

அப்போது எலிமன்டரி(ஆமாம் தானே) ஸ்கூலில் இருந்து பெரிய( higher secondary) ஸ்கூல் வந்த புதிது.

மீனாட்சி டீச்சர் எங்கள் கிளாஸ் மிஸ்

நான் நடந்து போகக் கூடாது என்பதற்காக என் அப்பா சைக்கிள் ரிக்க்ஷா வில் அனுப்புவார்கள். நான் திருவிழந்துதூர் மேட்டுத் தெரு அவர்கள் பெருமாள் கோவில் மேல வீதி.

அவர்கள் எப்போதுமே மிக அழகாக உடை உடுத்துவார்கள். (அது அம்பாளுகே உரித்தானது என்று இப்போது தான் தெரிகிறது. பாடம் நடத்துவே ஒரு கம்பீரம். சொற்கள் காத்திருந்து அப்படியா வரும்.. எத்தனை குடம் தேன் அபிஷேகமோ)

டீச்சர் : இன்னைக்கு தமிழ் பாடம். வாக்கியத்தில் அமைத்து எழுதுவது எப்ப்டீன்னு கத்துத் தரேன்.

கூட்டம் : …..(வேற யாரு நாங்க தான்)

டீச்சர் : இப்படித்தான் எழுதனும், புரிஞ்சுதோன்னோ. இப்ப எல்லாரும் ‘குறிக்கோள்‘ என்பது குறித்து வாக்கியத்தில் எழுதுங்கள்.

நான் : ‘ஒழுக்கமே உயிர்‘ என்பது நம் பள்ளியின் குறிக்கோள்.

டீச்சர் : ரொம்ப நன்னா இருக்குடா, எல்லாரும் இவனை மாதிரி எழுதுங்க பாக்கலாம். (முதல் பாராட்டு.. )

விதி விளையாட ஆரம்பித்தது.

ரிக்க்ஷாகாரர் : இன்னைக்கு லேட், அதால டீச்சர் வீட்டுக்கு நான் வந்தேன்னு சொல்றேன். நீயும் அப்படியே சொல்லு என்னா?

நான் : சரிங்க.

இது நடந்து ஒரிரு நாள் கழித்து டீச்சர் அழைதார்கள். (பச்சை நிறப்புடவை.. மறுபடியும் அம்பாள்) குலை நடுங்க ஆரம்பித்தது.

டீச்சர் : ஏன்டா, உன்னைய நல்ல பையன்னு நினைச்சுண்டு இருந்தேன். இப்படி பண்ணிட்டையே.

நான் :

டீச்சர் : இதுக்கு தண்டனை உண்டு தெரியுமா. இனிமே நீ எங்கிட்ட பேசக் கூடாது. (உலகம் தலையில் விழுதல் இது தானா). பசங்களா யாரும் இவனோட பேசாதீங்க. இனிமே என் சேர்ருக்கு கீழ தான் நீ உக்காரணும்.

நான் : டீச்சர், டீச்சர் இனிமே இப்படி செய்யல டீச்சர், பேச மாட்டேன்னு மட்டும் சொல்லிடாதீங்க

டீச்சர்.

டீச்சர் : (தெய்வத்தின் கண்களில் ஒளிக் கீற்று), தப்பே பண்ணக் கூடாது, தெரியாம செஞ்சிருந்தா தப்ப ஒத்துண்டு இனிமே நடக்காம சரி பண்ணிக்கணும்.

வெகு நீண்ட வருடங்களுக்குப் பின் வீட்டை அடையாளம் கண்டு அவர்களை சந்திதேன்.

டீச்சர் : நீங்க யாருன்னு தெரியலையே

நான் : நீங்கங்கறத விட்டுடுங்க. நான் உங்க பழைய மாணவன். (பழைய நினைவுகள்.. பரிமாற்றங்கள்..)

டீச்சர் : இருடா காப்பி போட்டு எடுத்துண்டு வரேன், நானே மிஷின் வச்சிருக்கேன். (காபியா –அது தேவாமிருதம்னா)

நான் : டீச்சர் நான் நம்ஸ்காரம் பண்ணனும்.

டீச்சர் : ஏன்னா சித்த இங்க வாங்கோ(அம்பாளுக்கு உரியவர் வேறு எப்படி இருக்க முடியும்). இவன் என் கிட்ட படிச்சான். நம்ஸ்காரம் பண்ணனுமாம். நன்னா இருடா. நல்லா வருவடா.

விதைகள் விருட்சங்கள் ஆகும். அந்த அடிப்படை விதைகள் அவர்களால் விதைக்கப்பட்டவை.

அனைத்தும் ஒன்றில் தோன்றி ஒன்றில் ஒடுங்குகின்றன. ‘ஆச்சார்ய தேவோ பவ:’

Click by : SL Kumar

சமூக ஊடகங்கள்

முத்தமிழ் முருகனும் அவன் அலங்காரமும் – 6

முருகன் குறித்த பொருள் பேசப்படும் போது எழும் காட்சி குறித்தவை இவ்விரண்டு பாடல்களும்

விளக்கம்

கிரௌஞ்சமலையை பிளந்தவன்

அவுணர்கள் தலை அற்றவனாக செய்தவன்

கடல் வற்றச் செய்தவன்

ஐந்து பூதங்களையும் நீக்கச் செய்து

உரை அற்று உணர்வு அற்று – சொற்கள் அற்று, உணர உணர்வுகள் அற்று

உடலற்று உயிரற்று – உடல் நீக்கி, உயிர் அற்று

உபாயம் அற்று –

கரையற்று –

இருளற்று – நீக்கமற நிறைந்திருக்கும் ஒளி

எனதற்று – மும்மலத்தில் முக்கியமானதான கர்வத்தால் உண்டாகும் ‘தான்‘ என்னும் அகங்காரம்.

பாடல்

வரையற் றவுணர் சிரமற்று வாரிதி வற்றச்செற்ற

புரையற்ற வேலவன் போதித் தவா, பஞ்ச பூதமுமற்

றுரையற் றுவர்வற் றுடலற் றுயிரற் றுபாயமற்றுக்

கரையற் றிருளற் றெனதற் றிருக்குமக் காட்சியதே. 61

பொருள்

சமாதி நிலையின் காட்சிகளும் அதற்கு முருகன் எவ்வாறு உதவினான் என்பதும் இங்கு விளக்கப்பட்டுள்ளது.

கருத்து

கிரௌஞ்சமலையை பிளந்தவனும், அவுணர்கள் தலை அற்றவனாக செய்தவனும், கடல் வற்றச் செய்தவனுமான முருகன் எனக்கு போதனை செய்தருளினான். இதனால் பஞ்ச பூதங்களில் செய்கைகள்(சுவை, ஒளி, ஊறு, ஓசை, நாற்றம்ஒசை) நீங்கப் பெற்றன.அஃதாவது புறக்கருவிகள் செயல்கள் நீங்கப் பெற்றன. புறக்கருவிகளில் செயல்பாடுகள் நீங்கும் போது உணர்வு நீங்கப் பெற்றும், உடல் நீங்கப் பெற்றும், முக்தி என்கிற நிலையும் அழிந்து, கரைகாணமுடியாதும், மிக ஓளி பொருந்திய அக்காட்சியை அவன் எனக்கு அருளினான்.

விளக்கம்

துருத்தி – காற்றை உட்செலுத்த பயன்படும் கருவி

பாடல்

துருத்தி யெனும்படி கும்பித்து வாயுவைச் சுற்றிமுறித்

தருத்தி யுடம்பை யொறுக்கிலென் னாஞ்சிவ யோக மென்னுங்

குருத்தை யறிந்து முகமா றுடைக்குரு நாதன்சொன்ன

கருத்தை மனத்தி லிருந்துங்கண் டீர்முத்தி கைகண்டதே. 71

பொருள்

கடினமான யோக மார்கங்களால் அடையப் படும் முக்தி நிலையையும், அதற்கு மாற்றாக எளிதான வழியில் அடையும் எளிய வழியும் இப் பாடலில் குறிப்பிடப்படுகிறது.

கருத்து

துருத்தி என்ற கருவி போன்று காற்றை உட் செலுத்தி, கும்பகம் செய்து(காற்றை உள்ளே நிறுத்துதல் – பூரக கும்பம் மற்றும் ரேசக கும்பம்) உட் செல்லும் பிராண வாயுவை முறித்து, அதை உணவாக கொண்டு முக்தி அடைதலை எதற்காக செய்ய வேண்டும். ஆறு திரு முகங்களை உடைய குருநாதன் சொன்ன சொல்லின் உட் கருத்தை மனதில் பதிய வைப்பவர்கள் முக்தி அடைவார்கள்.

இத்துடல் முத்தமிழ் முருகனும் அவன் அலங்காரமும் பகுதிகள் நிறைவு பெருகின்றன.

சமூக ஊடகங்கள்