அரிஷ்டநேமி – Page 65 – உருவேறத் திருவேறும்

அனிச்சை நிகழ்வுகள்

அனிச்சை நிகழ்வுகள்_VV

எப்பொழுதாவது தான் நிகழ்கிறது

வாங்கும் ஒன்பதாயிரத்து சொச்சத்தில் மீதம்.

உடைந்து போன கைக்கடிகாரம்

மாற்றாமல் அலையும் கணவனுக்காக

வாங்கத் துடிக்கிறது மனசு ஒன்று.

போன முறை நல்லியில் பார்த்து வந்த

பச்சையும் சிகப்பு பார்டரும் வைத்த

காஞ்சி காட்டனை

நினைவுட்டுகிறது மனசு ஒன்று.

‘ரங்கநாதன் வீதியில்

சில ஆயிரங்களில் பார்த்து வந்த

கம்மலையும் கழுத்து மாலையையும்

வாங்கித் தருகிறாயா’

என்னும் மகளின் வார்த்தைகளை

நினைவுட்டுகிறது மனசு ஒன்று.

அம்மாவுக்கு குக்கர் வாங்கித் தருவதாக

சொன்னதை

நினைவுட்டுகிறது மனசு ஒன்று.

காலம் அறியாமல் வந்து நிற்கும்

உறவின் திருமணத்திற்கு

பரிசு வாங்க வேண்டும் என

நினைவுட்டுகிறது மனசு ஒன்று.

வேர்வை படிந்த ஈர உடைகளுடன் மகன் வந்து

‘விஜய் போட்டிருக்கும் ஷு மாதிரி வாங்கித் தருகிறாயா?’

என்கிறான்.

இயல்பாய் புன்னகை செய்வதை விட

என்ன செய்துவிட முடியும் மத்யமரால்.

புகைப்படம் : Vinod Velayutham.

இது எனது 400 வது கவிதை.

எனது நெருக்கமான தோழிகளில் சிலர் என்னுடன் பகிர்ந்து கொண்ட அனுபவங்களே இது. கட்டமைப்பு மட்டுமே படைப்பு.

தேவைகளின் பொருட்டு வேலைக்கு செல்லும் ஒவ்வொரு பெண்ணும் ஒவ்வொரு நாளும் உலகளாகிய அனுபவம் பெறுகிறாள். ஆணின் மிகப் பெரிய வலிகளை எல்லாம் பெண்கள் சர்வ சாதாரணமாகக் கடக்கிறார்கள். கடந்து செல்லும் எல்லா பெண்களின் கண்ணிலும் உப்பு நீர் படிந்தே இருக்கிறது. மனதிற்கு நெருக்கமானவர்களிடம் மட்டும் அதைக் காட்டுகிறார்கள். மற்றவர்களிடம் அது மாயப் பூச்சாகவே இருக்கிறது. அதன் பொருட்டே இக்கவிதை.

இக் கவிதைகளில் அதன் அடி ஆழத்தில் நான் வாழ்ந்திருக்கிறேன் என்பதே நிதர்சனம். எல்லா கவிதைகளுக்கு பின்னும் அதன் அடி நாதம், வலி, வேதனை, சந்தோஷ சிறகசைப்புகள், கிழக்கும் மேற்கும் செல்லும் மனநிலை, மெய் தீண்டல்கள், துரோகங்கள், பரிகசிப்புகள், ஏமாற்றங்கள், அதன் பொருட்டான அனுபவங்கள். தாலாட்டுகள், கவிதை பரிமாற்ற அனுபவங்கள், அதன் பொருட்டான கோபங்கள், பின்னொரு புன்னகைக் காலங்கள் என பலவும் இக்கவிதைகளின் வழி கடந்திருக்கிறேன்.

கடந்திருக்கிறேன் என்பதே கடந்ததை குறிக்கிறது. வேறு என்ன இருக்கிறது மத்யமராய் வாழ்வதைத் தவிர.

சமூக ஊடகங்கள்

தெளிவுறு சித்து

தடைபடா மௌனத்தில்

ஒடுங்குமிறது

நாதமும்

* தெளிவுறு சித்து –தெளிந்த சித்தம் – திருமந்திரம் 1064

புகைப்படம் : Karthik Pasupathy

சமூக ஊடகங்கள்

சைவத் திருத்தலங்கள் 274 – திருஅரசிலி

தல வரலாறு(சுருக்கம்)/ சிறப்புகள் – திருஅரசிலி

· அரச மரத்தை இறைவன் வீடாக கொண்டமையால் திருஅரசிலி(திரு+அரசு+இல்)

· ருத்ராட்ச பந்தலின் கீழ் மூலவர் சிறிய பாணம், தாழ்வான ஆவுடையார்; தலையில் அம்பு பட்ட தழும்பு

· மகர தோரணத்தில் தட்சிணாமூர்த்தி காலடியில் உள்ள முயலகன் இடதுபுறம் திரும்பி கையில் நாகத்தை பிடித்தவாறு காட்சி

· வாம தேவர் எனும் முனிவருக்கு அரச மரத்தடியில் சுயம்புவாக காட்சி கொடுத்து சாபம் விலக்கிய திருத்தலம்.

· சத்திய விரதன் எனும் மன்னனுக்கு புத்திர பாக்யம் தருவதற்காக மான் வடிவில் காட்சி தந்து, அம்பு வாங்கி, பின் மறைந்து லிங்க வடிவ காட்சி கொடுத்த இடம்.

· வடிவமைப்பு – சாளுவ மன்னன்

தலம்	திரு அரசிலி
பிற பெயர்கள்	ஒழுந்தியாப்பட்டு
இறைவன்	அரசிலிநாதர் ( அஸ்வத்தேஸ்வரர் , அரசலீஸ்வரர் )
இறைவி	பெரியநாயகி ( அழகியநாயகி )
தல விருட்சம்	அரசமரம்
தீர்த்தம்	வாமதேவ தீர்த்தம் ( அரசடித்தீர்த்தம் )
விழாக்கள்	வைகாசி விசாகம் 10 நாட்கள், மகாசிவராத்திரி , திருக்கார்த்திகை
மாவட்டம்	விழுப்புரம்
திறந்திருக்கும் நேரம் / முகவரி	காலை 6.00 மணி முதல் மாலை 7.00 மணி வரை, அருள்மிகு அரசலீஸ்வரர் திருக்கோயில் ஒழிந்தியாப் பட்டு – அஞ்சல் வானூர் (வழி) வானூர் வட்டம் விழுப்புரம் மாவட்டம் -605 109 04147 – 235472,295376, 9994476960
வழிபட்டவர்கள்	வாமேதவ முனிவர், சாளுக்கிய மன்னனான சத்தியவிரதன்,இந்திரசேனன், இந்திரசேனனின் மகள் சுந்தரி
பாடியவர்கள்	சிரவையாதீனம் கௌமார மடாலயம் ஸ்ரீ தண்டபாணி சுவாமிகள்
நிர்வாகம்
இருப்பிடம்	திண்டிவனத்தில் இருந்து சுமார் 25 கிமீ தொலைவு, புதுச்சேரியில் இருந்து சுமார் 15 கிமீ தொலைவு திண்டிவனம் – பாண்டி சாலையில் ( வழி : கிளியனூர் ) தைலாபுரம் தாண்டி , ஒழுந்தியாப்பட்டு செல்லும் இடப்புற சாலையில் இருந்து சுமார் 2 கிமீ திருவக்கரையில் இருந்து பாண்டி செல்லும் சாலை ( வழி : மயிலம் , வானூர் ) , திருச்சிற்றம்பலம் கூட்டுரோடு -> திண்டிவனம் சாலை -> கீழ்ப்புத்துப்பட்டு செல்லும் வலப்புறப்பாதை
இதர குறிப்புகள்	தேவாரத் தலங்களில் 273 வது தலம் தொண்டை நாட்டுத் தலங்களில் 31 வது தலம்.

அரசலீஸ்வரர்

பெரியநாயகி

புகைப்படம் : தினமலர்

பாடியவர் திருஞானசம்பந்தர்

திருமுறை 2

பதிக எண் 95

திருமுறை எண் 8

பாடல்

வண்ண மால்வரை தன்னை
மறித்திட லுற்றவல் லரக்கன்
கண்ணுந் தோளுநல் வாயும்
நெரிதரக் கால்விர லூன்றிப்
பண்ணின் பாடல்கைந் நரம்பாற்
பாடிய பாடலைக் கேட்டு
அண்ண லாயருள் செய்த
அடிகளுக் கிடமர சிலியே.

பொருள்

தான் பயணிக்கும் போது குறிக்கிட்ட அழகிய கயிலை மலையை புரட்ட முற்பட்ட வலிய அரக்கனாகிய இராவணனின் கண்ணும் தோளும் நல்ல வாயும் நெரியுமாறு அவனைக் கால்விரலை ஊன்றி அடர்த்துப் பின் அவன் கைநரம்பால் வீணை செய்து பண்ணொடு கூடிய பாடல்களைப் பாட அதனைக் கேட்டுப் பெருந்தன்மையோடு அவனுக்கு அருள்கள் பலவும் செய்த அடிகளுக்கு உகந்த இடம் திருஅரசிலியேயாகும்.

கருத்து

வண்ணமால்வரை-கயிலைமலை.

இன்னாசெய்தாற்கும் இனியவே செய்யும் பெருமையனாகி.

பாடியவர் திருஞானசம்பந்தர்

திருமுறை 2

பதிக எண் 95

திருமுறை எண் 9

பாடல்

குறிய மாணுரு வாகிக்

குவலய மளந்தவன் றானும்

வெறிகொள் தாமரை மேலே

விரும்பிய மெய்த்தவத் தோனும்

செறிவொ ணாவகை யெங்குந்

தேடியுந் திருவடி காண

அறிவொ ணாவுரு வத்தெம்

அடிகளுக் கிடமர சிலியே.

பொருள்

குள்ளமான உருவமுடைய வாமனராய்த் தோன்றிப்பின் பேருரு எடுத்து உலகை அளந்த திருமாலும், மணம் கமழும் தாமரை மலரை விரும்பிய நான்முகனும் எங்கும் தேடியும் திருவடிகளை அடைய முடியாதவாறும் அறியமுடியாதவாறும் அழலுருவாய் ஓங்கி நிமிர்ந்த திருவுருவத்தைக் கொண்டருளிய எம்அடிகளுக்கு உகந்த இடம் திரு அரசிலியேயாகும்.

கருத்து

குறிய மாணுரு–வாமனாவதாரம்

வெறி–மணம்.

மெய்த்தவத்தோன்–பிரமன்.

செறிவு ஒணா–செறிதல் ஒன்றா.

செறிதல்–பொருந்துதல்.

அறிவொணாவுருவம்–ஐம்பொறிகளாலும், மனதாலும் அறிய இயலா ஞானசொரூபம்.

(இத் திருத்தலம் பற்றி மேலும் விபரம் இருந்தால் தெரியப்படுத்தவும்)

சமூக ஊடகங்கள்

மரபணு மாற்றம் – மயானம் நோக்கிய பயணம் – 2

பயன்படுத்தப்படும் வழி முறைகள்

“சொரம் அடிக்குது ஒரு கோரசனை மாத்திர சாப்பிடு” எனும் பாட்டியின் நாட்கள் மலையேறி விட்டன. நீடித்திருக்கும் கால அளவுகளுக்கு ஏற்ப Continuous fever, Remittent fever, Pel Ebstein fever, Intermittent fever, Septic fever என ஜுரத்தின் பெயர்கள் மாறுகின்றன.

சார், உங்களுக்கு spinal cord ல பிராபளம். ஒன்னும் கவலைப்படாதீங்க, ஒரு சின்ன ஆப்பரேஷன். L1,L2, L5 இதுல எல்லாம் கைய வைக்க மாட்டோம். Just ஒரு சின்ன கீறல். L3, L4 மட்டும் modify பண்ணிடலாம். அவ்வளவுதான்.

சார், நான் Type A ஜுரம் மட்டும் தான் பார்ப்பேன், Type B ன்னா நீங்க வேற டாக்டர பாருங்க என்பது போன்றது தான் இந்த மரபணு மாற்ற ஆராய்ச்சிகள்.

உதாரணத்திற்கு கத்திரியினை எடுத்துக் கொள்ளலாம். குருத்து மற்றும் காய்த்துளைப்பான், தண்டு துளைப்பான், ஹட்டா / புள்ளி வண்டு, சாம்பல் கூன் வண்டு, பழுப்புத் தத்துப் பூச்சி, கண்ணாடி இறக்கைப் பூச்சி போன்ற பல்வேறு பூச்சி தாக்குதல்கள் நடக்கலாம்.

நாங்க சோதனை செய்யறது காய்த்துளைப்பான் மட்டும் தான். மத்த பூச்சி தாக்குதல்கள் பற்றி எங்ககிட்ட கேட்காதீங்க. இப்படியாகத்தான் இருக்கிறது ஆராய்ச்சிகள்.

Polymerase Chain Reaction (PCR) Analysis

A single copy or a few copies of a piece of DNA across several orders of magnitude, generating thousands to millions of copies of a particular DNA sequence.

ஒரே ஒரு DNA ல் இருந்து லட்சக் கணக்கான அதே மாதிரியான DNA க்கள் பெருக்கம் செய்யப்படும்.

Restriction fragment length polymorphism (RFLP)

It analyzes the length of strands of DNA that include repeating base pairs.

ஆராய்ச்சியின் பொருட்டு ஒத்த அமைப்புடைய தொடர் DNA க்கள் எடுத்துக்கொள்ளப்படும். இழைகளாக இருக்கக் கூடிய அமைப்புகள் சார்ந்ததும் அவைகளின் மீட்சி ஆக்கமும் ஆய்வுக்கு எடுத்துக் கொள்ளப்படுதல்

Short Tandem Repeat (STR) analysis.

It can start with a much smaller sample of DNA. Scientists amplify this small sample through a process known as polymerase chain reaction, or PCR.

இதுவும் மேல் குறிப்பிட்டது போல் தான் என்றாலும், இம் முறை மிகச் சிறிய அளவிலான DNA மாதிரி வடிவங்களில் இருந்து பெறப்படும். ஈறை பேனாக்கி, பேனை பெருமாளாக்கி போன்ற முறை இது.

கீழ்கண்ட முறைகளும் உள்ளன. அவைகளின் முழு முறை செய்பாடுகள் இன்னும் சோதனை அளவிலே உள்ளன.

Mitochondrial DNA Analysis

Y-Chromosome Analysis

மருத்துவத்துறை உடலில் கத்தி வைக்கிறது. மரபணு மாற்றம் உலகில் கத்தி வைக்கிறது. சர்க்கரை நோயாளியின் ரணங்கள் போல மண்ணின் ரணங்கள் மட்டும் நாளுக்கு நாள் அதிகரிக்கவே செய்கின்றன.

புகைப்படம் : R.s.s.K Clicks
தொடரும்..

சமூக ஊடகங்கள்

வல்வினைக் காடு

வல்வினைக்காடு

பஞ்ச பூதக் கவிதைகள் – பெண் தெய்வங்கள் – முன்வைத்து – காற்று

அடர் காடொன்றில் பயணிக்கிறேன்.

தொலைவில் பிண வாடை

காற்றில் கலந்து வருகிறது.

காலம் கரைகளில் உணர்கிறேன்

அது என்னிடத்தில் இருந்து வருவதை.

உடலெங்கும் மனிதர்கள் ஈன்ற மலங்களை

பூசிக் கொள்கிறேன். *

திருநீற்று வாசம்

மனதினை நிறைக்கிறது.

கண் முன்னே சிறு குழந்தை ஒன்று.

‘என்னைத் தெரியவில்லையா?’ என்கிறது

‘விதி வழி விலக்கப்பட்ட மாந்தர்களில்

நானொருவன், எவரை அறிந்து

எது நிகழப்போகிறது‘ என்கிறேன்.

‘செலவழியா பொருளொன்றை ஈய

வந்திருக்கிறேன்‘ என்கிறது அக்குழந்தை.

வியப்புறுகிறேன்.

‘காற்றே அழியா பொருள், காற்றினைக் கைக்கொள்,

வாசனைகள் அற அதுவே வழி‘ என்கிறது.

‘யார் நீ?’ என்கிறேன்.

தேகம் மறைந்து காற்றில் கரைகிறது

வார்த்தைகள் ‘நானே வாலை‘.

பிறிதொரு பொழுதுகளில்

உலகங்கள் மட்டும் இயங்கின.

*கேட்டறிந்த உண்மை சம்பவம் முன்வைத்து

சமூக ஊடகங்கள்

வாருணை ஈசனும் ஒளியுறு உமையும் – 4

உமை : நான்கு வகையான வழிமுறைகளானபிரம்மச்சாரியன், கிரகஸ்தன், வான பிரஸ்தன் மற்றும் சந்நியாசி இவர்களின் கடமைகளை கூறுங்கள்.

சிவன் :எல்லா வகையிலும் கிரகஸ்தர ஆஸ்ரமமே முதன்மையானதும் முக்கியமானதும்ஆகும். நீராடுதல், தன் மனைவியோடு திருப்தியாக இருந்தல், தானம்,யாகம் போன்றவை விட்டப்போகாமல் காத்தல், விருந்தினர்களை உபசரித்தல், மனம் வாக்கு செயல் ஆகிய எல்லாவற்றாலும் ஒன்றாக இருத்தல், பெரும் துன்பங்களையும் ஏற்றுக் கொள்ளுதல் ஆகியவை முக்கிய தர்மங்கள்.

மனவுறுதியுடன் காட்டில் இருந்தல், நல்ல பழங்களை உண்ணுதல், தரையில் படுத்தல், சடை தரித்தல், தோல் ஆடை அணிதல், தேவர்களையும் விருந்தினர்களையும் உபசரித்தல் ஆகியவை வானபிரஸ்தனின் முக்கிய கடமைகள்.

வீட்டை விட்டு வெளியே வசித்தல், பொருள் இல்லாமல் இருத்தல், பொருளீட்ட முயற்சிக்காமலும் இருத்தல், கள்ளமில்லாமல் இருத்தல், எங்கும் யாசித்து உணவு பெறுதல், எந்த தேசம் சென்றாலும் தியானத்தை கைவிடாமல் இருந்தல். பொறுமை தயையுடன் இருந்தல், எப்பொழுதும் தத்துவ ஞானத்தில் பற்று கொண்டு இருத்தல் போன்றவை சந்நியாசியின் தர்மங்கள்.

உமை : இந்த ரிஷிகள் தவம் இயற்றுதலை முதன்மையாகக் கொண்டுள்ளனர். அது குறித்து விளக்க வேண்டும்.

சிவன் : கிரகஸ்தனாக இருந்து நன் மக்களைப் பெறுவதால் பித்ரு கடன் நீங்கும். உறுதியுடன் மனதை அடக்கி மனைவியுடன் வானப்ரஸ்தத்தில் வசிக்க வேண்டும். சாஸ்திரத்தில் சொல்லப்பட்டவாறு(தன் குருவின் வழி – என்று நான் பொருள் கொள்கிறேன்) தீஷை எடுத்துக் கொள்ள வேண்டும். சிறந்த புண்ணிய நதிகளில் நீராட வேண்டும். மனம் சலியாமல் அனுட்டானம் செய்ய வேண்டும். விருந்தினர்களை அன்புடன் வரவேற்று, இருக்கை அளித்து அவர்களுக்கு அன்னம் இடவேண்டும். இது வான பிரஸ்தனின் கடமைகள்.

வனத்தை ஆச்சாரியன் போல் கருதி வசிக்க வேண்டும்.விரதங்களையும்(உணவினை விலக்குதல்), உபவாசக்களையும்(இறை நினைவோடு இருத்தல்) மிகுதியாக கொள்ளவேண்டும். ரிஷிகளில் சிலர் மனைவிகளோடு இருக்கிறார்கள். அவர்கள் விந்திய மலைச் சாரலிலும், நதிக் கரையிலும் வசிக்கிறார்கள். அவர்களும் தவ சீலர்களே. கொல்லாதிருத்தல், தீங்கு செய்யாதிருத்தல், பிற உயிர்கள் இடத்தில் அன்போடு இருத்தல், தன் மனைவியோடு மட்டும் சேர்ந்து இருத்தல் ஆகியவைகளும் இவர்களது தர்மத்தில் அடக்கம்.

உமை : மூன்று விதமான மனிதர்கள் எப்போதும் காணப்படுகிறார்கள். எவ்வித முயற்சியும் இன்றி உயர்ந்த அதிகாரத்தையும் செல்வத்தையும் அடைந்து அனுபவிக்கின்றனர், சிலர் முயற்சி செய்து உயர் நிலைகளை அடைகின்றனர். மற்றவர்கள் எந்த முயற்சி செய்தாலும் ஒன்றையும் அடைய இயலாதவராக இருக்கின்றனர், அது ஏன்?

தொடரும்..

*வாருணை – மதிமண்டலத்தில் ஊறும் அமுதம்

புகைப்படம் : இணையம்

சமூக ஊடகங்கள்

சோளக்கொல்லை பொம்மை

காலத்தின் மாற்றத்தில்

சோளக்கொல்லை பொம்மையாகி

நிற்கும் வாய்ப்பு ஏற்பட்டது.

‘அழகாக உடுத்தி

வீதியின் நிற்றலே வேலை’ என்றார்கள்

கனவுகளுடன் காத்திருக்கையில்

பெரு வயல்வெளிதனில்

கருங்குருவி ஒன்று வந்தது.

விரட்ட எத்தனமானேன்.

‘காகங்களை விரட்டுதலே வேலை

கருங்குருவி விரட்டுதல் அல்ல’

என்றது தலைமை பொம்மை.

பார்வைகள் பதிருக்கும் காங்களில்

பாத்திகளின் மேல் காகங்கள் அமர்ந்தன.

விரட்ட எத்தனமானேன்.

‘பாத்திகள் இருவருக்கு உரித்தானவைகள்’

என்றது மற்றொரு பொம்மை

‘நம்மின் வேலை தொடர்வோம்’ என்றும் கூறின.

முதுகுக்கு பின் சில காகங்கள் வட்டமிட்டன.

விரட்ட எத்தனமாகிறேன்.

‘முன்னே பார்த்தல் மட்டுமே நம் வேலை

பின்னே பார்த்தல் மற்ற பொம்மையின் வேலை’ என்றது தலைமை பொம்மை.

கண் எதிரே சில அண்டங்காக்கைகளும்

சில வீட்டுக் காகங்களும் விளையாடின.

விரட்ட எத்தனமானேன்.

‘வீட்டுக்காகங்கள் மதிக்கப்பட வேண்டும்

அண்டங்காகங்களை மட்டும் விரட்டப்பட வேண்டும்’

என்றது மற்றுமொரு தலைமை பொம்மை

பிறிதொரு நாளில்

வேறு சில பொம்மைகள் வயல்களில்.

வார்தைகள் அற்று வினவுகிறேன்.

‘மற்ற பொம்மைகளின் படிச் செலவு

மாதம் விடுத்து தினமாகிறது’ என்றது தலைமை பொம்மை.

காலத்தின் மாற்றத்தில்

ஆடைகள் அற்றுக் கிடக்கிறது

பொம்மை ஒன்று,

சில காகங்கள் மட்டும் சீண்டி விளையாடுகின்றன
அப் பொம்மையை.

புகைப்படம்: Karthik Pasupathy

சமூக ஊடகங்கள்

IT – தொடர்ந்து குறையும் வேலை வாய்ப்புகள் – 5

2015 ஆண்டு கணக்குப்படி ஆண்டு ஒன்றுக்கு 5.8 மில்லியன் பட்டதாரிகள் இருப்பில் உள்ளவர்களுடன் (வேறு எப்படி சொல்ல முடியும்) சேர்க்கப்படுகிறார்கள்.

உலக சந்தையினை முன்வைத்து(அமெரிக்கா என்றே கொள்ளலாம்) செலவுகள் என்பது 3 – 4 மடங்கு வரை குறைவு.

இதனால் தான், வெளிநாடுகளில் இயங்கிக் கொண்டிருக்கும் I.T நிறுவனங்கள் தாராளமயமாக்கலுக்கு பிறகு இங்கு தடம் பதித்தன. சராசரியாக 45% முதல் 50% வரையில் அனைத்து திட்டங்களையும் முடித்து விடமுடியும். மற்றவை லாபம் தான். லாபத்தில் குறையும் போது தான் நிறுவனங்கள் தாங்கள் நஷ்டத்தில் இயங்குவதாக சொல்லு ஜல்லியடிக்கின்றன.(நன்றி சுஜாதா சார்)

நாஸ்காம் வெளியிட்டுள்ள மார்ச்2016 அறிக்கையின் படி தகவல் தொழில் நுட்பத் துறை எந்த வித ஏற்றம், இறக்கம் இல்லாமல் $118 பில்லியன் அளவிலே இருக்கும். வளர்ச்சி விகிதம் 11.5% – 12.0% மட்டுமே.இது எதிர்பார்க்கப்பட்ட 13% – 15% வளர்ச்சியைவிட குறைவு.

தெளிவான திட்டமும் நோக்கம் இல்லாமல் நடத்தப்படும் தகவல் தொழில் நுட்ப நிறுவனங்களின் வரவு செலவு திட்டம் ஆண்டு ஒன்றுக்கு 11.7%. உலக நாடுகள் இதற்கு 1% மட்டுமே செலவழிக்கின்றன.

மாறி வரும் நாணய மதிப்பு, நிலையற்ற அரசியல் நிகழ்வுகள் அனைத்தும் இத் துறையை மிக வேகமாக கீழ் நோக்கி இழுத்துக் கொண்டிருக்கின்றன. இதனால் நாஸ்காம் தனது 2016 – 2017 ஆண்டிற்கானஏறுமதி வளர்ச்சியினை 12% முதல் 14% இருந்து 10% முதல் 12% ஆக குறைத்துள்ளது.

வரும் 2017ம் ஆண்டு கணக்குப்படி இந் நிறுவனங்கள் 30% வரை பாதுகாப்பு மற்றும் இணக்கம் (security and compliance) ஆபத்துக்கால வரவு செலவு திட்டதிற்காக செலவழிக்க இருக்கின்றன. 10% ஆட்கள் இந்த பாதுகாப்பு செய்பாடுகளுக்காக செயல்படுவார்கள். இது 2014ம் ஆண்டு நிதி ஒதுக்கீட்டினை விட மூன்று மடங்கு அதிகம்.

தன்னிடம் உள்ளவர்கள் இத்தனை பேர் இத்தனை விதமான சான்றிதழ்(certification) பெற்றிருக்கிறார்கள் என்பது போன்று நிலைப்பாடுகள் கொண்ட நிறுவனங்களும் உண்டு. அவர்களுக்கு வேலை உண்டோ இல்லையே அவர்களுக்கு தரப்படும் விலை மிக அதிகம். இதை இங்கே குறிப்பிடக் காரணம் மிக மிக அதிகமாக அவர்களுக்கு வழங்கப்படும் சம்பளம்.

இது இத்துறை சம்மந்தமான ஒரு பொதுவான பதிவு மட்டுமே. இங்கு யாரும் வேலை பார்க்கக் கூடாதா என்பவர்களுக்கு என் பதில்.

· நீங்கள் சுமாராக 7 முதல் 10 வருடம் மட்டுமே இத்துறையில் வேலை பார்க்க முடியும். அதுபற்றி கவலை இல்லை எனில் இத்துறையையில் சேரலாம்.

· மிகச் சிறந்த அறிவாளி, என்னால் எதையும் செய்து முடிக்க முடியும் என்ற எண்ணம் உள்ளவர்கள் சேரலாம்.

· வருங்காலத்தில் எத்தனை பெரிய வியாதி வந்தாலும் கவலை இல்லை, எனது குடும்பம் என்னை கவனித்துக் கொள்ளும் என்பவர்கள் சேரலாம்.

· இது எதுவும் சரியாக வராது, ஆனால், என்னால் மிக அதிகமாக சொம்பு தூக்க முடியும் என்பவர்கள் சர்வ நிச்சயமாக நீண்ட கால நோக்குடன் இத் துறையே தேர்ந்து எடுக்கலாம். ஏனெனில் மகுடம் உங்களுக்குத் தான் காத்திருக்கிறது.

முற்றும்.

புகைப்படம் : Karthik Pasupathy

சமூக ஊடகங்கள்

வாருணை ஈசனும் ஒளியுறு உமையும் – 3

உமை : உமது நிறம் செம்மட்டை நிறமானதும் விகாரமும் பயங்கரமானதும் சாம்பல் பூசப்பட்டதாகவும் விகாரமான கண்கள் உடையதாகவும் கூரான கோரைப்பற்கள் உடையதாகவும் ஜடை உடையதாகவும் புலியின் தோல் உடுத்தியதாகவும் உமது நிறம் செம்மட்டை நிறமானதும் விகாரமும் பயங்கரமானதும் சாம்பல் பூசப்பட்டதாகவும் விகாரமான கண்கள் உடையதாகவும் கூரான கோரைப்பற்கள் உடையதாகவும் ஜடை உடையதாகவும் புலியின் தோல் உடுத்தியதாகவும் இருப்பது ஏன்?

சிவன் : உலகில் குளிர்ச்சி, வெம்மை போன்று இருமைகள் இருப்பதால், அதைச் சார்ந்த உயிர்கள் சந்திரன் போன்று குளிர்வும், சூரியன் போன்று வெம்மையும் உடையதாக இருக்கின்றன. விஷ்ணுவானவர் குளிர் பொருந்திய வடிவம் உடையவராக இருக்கிறார். நான் வெம்மை பொருந்திய வடிவில் நிலையாக இருக்கிறேன். உக்கிர வடிவமும், சிவந்த கண்களும், சூலமும் கொண்ட இந்த தேகத்தால் எப்பொழுதும் உலகினைக் காக்கிறேன். இந்த ரூபம் உலகின் நன்மைக்காக ஏற்படுத்தப்பட்டது. வேறு வடிவம் கொண்டால் உலகின் இயக்கங்களில் தடுமாற்றம் உண்டாகும். அதன் பொருட்டே இவ்வடிவம்.

உமை : நீங்கள் சந்திரனை பிறையாக அணியக் காரணம் என்ன?

சிவன் :தட்ச யாகத்தின் பொருட்டு கோபமுற்று இருந்தேன். அதனால் தேவர்கள் என்னால் துரத்தப்பட்டார்கள். என்னால் உதைக்கப்பட்டும் கூட சந்திரன் என்னிடத்தில் நல்வார்த்தை பேசி என்னிடம் வேண்டிக் கொண்டான். அன்று முதல் சந்திரனை என் தலையில் அணிந்து கொண்டேன்.

இதன் பிறகு பல விதமான துதிகளால் ரிஷிகளும், முனிவர்களும் ஈசனையும், உமா தேவியையும் துதித்தனர்.

உமை : நான்கு வகையான வழிமுறைகளான பிரம்மச்சாரியன், கிரகஸ்தன், வான பிரஸ்தன் மற்றும் சந்நியாசி இவர்களின் கடமைகளை கூறுங்கள்.

தொடரும்..

*வாருணை – மதிமண்டலத்தில் ஊறும் அமுதம்

புகைப்படம் : இணையம்

சமூக ஊடகங்கள்

மரபணு மாற்றம் – மயானம் நோக்கிய பயணம்

மரபணு மாற்றம்_R.S.S.K Clicks

மரபணு மாற்றம் – மயானம் நோக்கிய பயணம் – முன்னுரை

ஒரு தேசத்தை வேரோடு அழிக்க பல முறைகள் உள்ளன. அவற்றின் கலாச்சாரம் அழித்தல், இடங்களை அழித்தல் போன்ற பல முறைகள் உள்ளன. அவற்றின் முதன்மையானதும், முக்கியமானதாகவும் இருப்பது உணவு முறைகளை மாற்றுவது.

மாறிவரும் மக்கட்தொகைக்கு ஏற்ப உணவுப் பெருக்கம் என்பது தவிர்க்க இயலாது என்பதில் மாற்றுக் கருத்து இல்லை. ஆனால் உணவினை முன்வைத்து அரசும் பன்னாட்டு அரசியல் வாதிகள்(நிறுவனங்கள்) நடத்தும் கூத்துக்கள் எண்ணில் அடங்காதவை.

மரபணு மாற்றத்தின் நோக்கம் பூச்சிகளிடம் இருந்து பயிர்களை பாதுகாத்தல், நோய் எதிர்ப்பு, ஊட்டச் சத்து மிக்க பயிர்கள், கெடாதத் தன்மை, விளைச்சல் அதிகரிப்பு, அதிக உற்பத்தி தரும் விதைகள், பழுதடையா மரக்கறிகள், புதிய வகை உயிரினங்கள் செயற்கை உடல் உறுப்புகள் செயற்கை இன்சுலீன் எனப் பல பொய்யான காரணங்களை பட்டியல் இடப்பட்டாலும், ‘எத்தனை உயிர் அழிந்தாலும் எனது நோக்கம் பணம் சம்பாதிப்பது‘ எனும் ‘உயரிய‘ நோக்கம் இதன் பிரம்மாண்டமான வளர்ச்சிக்கு வித்திடுகிறது.

இதனால் ஏற்படும் வலியை, கஷ்டங்களை, பாதிப்புகளை உணர்ந்த நாடுகளான இத்தாலி, சுவிட்சர்லாந்து, ஆஸ்திரியா, பிரான்சு, ஜெர்மனி, அயர்லாந்து, ரொமேனியா, போலந்து மற்றும் ஹங்கேரி போன்ற நாடுகள் அங்கு மாற்றுப் பயிர்களுக்கு தடை விதித்து விட்டன.

மாற்றங்கள் பயிர், காய்கறிகள், பழங்கள் எனப் பலவகைப்பட்டன.

பயன்படுத்தப்படும் வழி முறைகள்
கவலைகள் – உடல் நலம் சார்ந்து
கவலைகள் – சூழலியல் சார்ந்து
கவலைகள் – பொருளாதாரம் சார்ந்து
கவலைகள் – சோதனை எலிகளாகும் இந்தியர்கள்

ஆகிய தலைப்பு குறித்து எழுத உள்ளேன்.

புகைப்படம் : R.s.s.K Clicks

சமூக ஊடகங்கள்

பௌர்ணமி நாட்கள்

பௌர்ணமி நாட்கள்_Swathi

மகளால் வரையப்படும்

கிறுக்கல்களால் அழகு பெறுகின்றன

நாட்களும்.

புகைப்படம் : Swathika Senthil

சமூக ஊடகங்கள்

IT – தொடர்ந்து குறையும் வேலை வாய்ப்புகள் – 4

தொடர்ந்து குறையும் வேலை வாய்ப்புகள்_KP

தான் வாழ பிறரை கெடுக்கும் மனிதர்கள் (அனைத்து நிலைகளிலும்)

தொழில் நுட்பம் சார்ந்த நிறுவனங்கள் பெரும்பாலும் மிகப் பெரிய திட்ட நோக்கம், இலக்கங்கள் இல்லாமல் தொடங்கப்படுகின்றன.(சிவாஜி : பார்த்த வேலை – Software Solution Architect).

அவைகள் தொடங்கப்படும் காலங்கட்டங்களில் அந்த இடங்களில் அங்கு என்ன மாதிரியான மனிதர்களும், படிப்புகளும் இருக்கின்றன. அவைகள் எப்படி பயன்பாடு இருக்கும் போன்ற விஷயங்களை நினைப்பது இல்லை.

நுட்பம் – 1

உ.ம் – B.C.A படித்த ஒருவன் மென்பொருள் துறையில் நுழைவதாக வைத்துக் கொள்வோம். மேலும் அந்த நிறுவனத்தில் 10 வருடம் அந்த நிறுவனத்தில் வேலை பார்ப்பதாகவும் கொள்வோம். இக்கால கட்டங்களில் அவனுக்கு அந்த நிறுவனத்தில் அனைத்து விஷயங்களும் தெரிந்து விடும்.

10 ஆண்டுகளுக்கு பிறகு ஒரு Master Degree படித்த ஒருவன் அங்கு வரும்போது வரும் நபருக்கு அவன் அடிப்படை விஷயங்களை எதுவும் சொல்லித் தரமாட்டான். (எவனாக இருப்பினும் சொல்லித் தரமாட்டான் என்பது வேறு கதை.) இது matter of survival என்பதை முன்வைத்தது.

நுட்பம் – 2

நிறுவனத்தில் மேல் மட்டக் குழு விரிவாக்கம் பற்றி பேச கூடும்.

நம்ம நிறுவனத்தினை எப்படி விரிவுபடுத்தலாம். நல்ல idea குடுத்தா உங்களுக்கு promotion.

சார், நான் என்ன சொல்ல வரேன்னா, நம்ம Mr.X இருக்கானே, அவன் குடுக்ற வேலையை மட்டும் செய்யறான். அவன கழட்டி விட்டா 12 லட்சம் மிச்ச மாகும். அவனுக்கு பதிலா 2 லட்சத்தில 4 பேர வேலைக்கு எடுத்துக்கலாம். நம்ம Mr.Y க்கு புரொமோஷன்னு சொல்லி அவனுக்கு 3 லட்சம் கொடுத்தா 11 லட்சத்தில எல்லாம் முடிச்சிடும் சார்.

நுட்பம் – 3

தற்போதைய காலங்கட்டங்களில் (பொதுவாக) 32 – 35 வயது என்பது மனிதர்கள் வாழத்துவங்கும் காலம். எல்லா நிறுவனங்களுக்கும் இது தெரியும். எல்லோரும் அங்குதான் கை வைக்கிறார்கள். ‘புடிச்சா வேலை பாருங்க, புடிக்கலைன்னா, பேப்பர் போட்டுட்டு போக வேண்டியது தானே’ இவ்வாறு மன அழுத்தம் உண்டாக்கி வெளியே தள்ளப்படும் வகைகளும் உண்டு..

நுட்பம் – 4

இருக்கும் இடங்களில் மிகச் சிறந்த நட்புக்கள் (வேறு என்ன சொல்ல) உண்டாவது உண்டு.

எனக்கு ஏதாவது புமோஷனுக்கு ஏற்பாடு செய்ய மாட்டீங்களா?

கவலைய விடு டியர், நம்ம Mr. X இருக்கான்ல, அவனை ‘வேலையே செய்யாதவன்’னு சொல்லி அடுத்த மாசம் தூக்றோம். அப்புறம் நீ தான் Team Leader.

அவர் 10 வருஷமா இங்க இருக்காறே?

நீ ஏன் அதப் பத்தி கவலைப்பட்ற. இப்ப ஏதாவது Treat உண்டா?

நுட்பம் – 5

ஒரு நிறுவனத்தில் இருந்து ஒருவரை வெளியே தள்ள பல காரணங்களைத் தேடுவார்கள்

· Proper in time (out time பற்றி கவலை இல்லை). சத்தியமாகச் சொல்கிறேன்.

· வேலைகளை குறித்த காலத்தில் முடித்துக் கொடுக்கும் திறமை

· வேலை விடுப்பு எடுத்த நாட்கள்

· எதிர் பால் மக்களுடன் கொஞ்சம் முன்னுக்கு பின்னாக இருத்தல்

· மற்றவர்களும் பழகும் தன்மை

மேற் கூறியவைகள் எவையும் இல்லை எனில் 10 வருடங்களுக்கு பிறகு ‘வேலையே செய்யவில்லை‘ என்று உண்மையை கண்டறிதல்.

நுட்பம் – 6

மச்சான்(பாசக்கார பய புள்ளங்க), அவன எப்டி வேலை விட்டு விரட்டுரதுன்னு தெரியலடா?

டேய், நம்ம கிட்ட 6 மாசத்துக்கு எல்லாருக்கும் work load details இருக்கு. DB ல work load hours ஐ குறைச்சி போடு. 2 வாரத்து milestone ஐ 1 வார milestone ஆ போடு. இத தவிர daily milestone தினமும் 2 போடு. ஓடியே போய்டுவான்.

சூப்பர் ஐடியா மச்சான். வா ஒரு பீர் சாப்டு இன்னும் பேசுவோம்.

இங்கு பிரதானமாக இருப்பது ‘வேலை செய்யவில்லை’ என்பதை கண்டுபிடிப்பது தான்.

அடுத்த பதிவு :பொருளாதார சீர்திருத்தம்/முன்னேற்றம் முன்வைத்துதொடரும்…

புகைபடம் : Karthik Pasupathy

சமூக ஊடகங்கள்

திசை அறிதல்

திசை அறிதல்_KP

பாதங்களின் நிழல் பற்றி

நடந்து செல்லும் பாதைகளில்

தடம் பதியாது பறந்து செல்கிறது

பறவையின் நிழல் ஒன்று.

புகைப்படம் : Karthik Pasupathy

சமூக ஊடகங்கள்

IT – தொடர்ந்து குறையும் வேலை வாய்ப்புகள் – 3

கற்பித்தல் குறைபாடுகள்

சமீபத்தில் எனது நண்பர் (பேராசிரியர்) ஒருவரை சந்திக்கச் சென்றிருந்தேன். அப்போது எனது நண்பரை சந்திக்க மாணவர் ஒருவர் வந்திருந்தார்.

சரிடா, நான் உனக்கு சொல்லித் தரேன். புக்ஸ் எல்லாம் எடுத்துகிட்டு வா.

இல்ல, எங்களுக்கு புக்ஸ் கொடுக்கல. ஸ்லைடு தான்.

எத்தனை page?

22 page.

ஒரு யூனிட்க்கா?

இல்ல சார், மொத்த சிலபஸ்ம் அவ்வளவுதான்.

என்னடா சொல்ற?

ஆமாம் சார்.

(அது என்ன subject என்பதை கடைசியில் சொல்கிறேன்.)

படிப்பதற்கு 5 Text book 3 reference book என்பது இருந்தெல்லாம் லெமுரியா கண்டத்தோடு வழக்கொழிந்து போனது.

2000 ஆரம்ப காலகட்டங்களில் 5 யூனிட்டையும் படித்து(ம்க்கும்) 122 பக்கத்திற்கு as per Anna University syllabus என்று வெளியிடுவார்கள்.

இப்போது அதுவும் போயிற்று. ஒரு subject க்கு 22 slide என படித்து வருபவர்களிடம் என்ன எதிர்பார்க்க முடியும்?

கற்றல் குறைபாடுகள் – 1

டேய், நாளைக்கு cycle test டா. இன்னும் ஒண்ணும் படிக்கவே இல்ல. என்ன பண்றதுடா?

டேய், விடுடா, objective type தானே, 4 answer ல ஏதோ ஒண்ண click பண்ண வேண்டியது தானே

கற்றல் குறைபாடுகள் – 2

டேய், attendance கம்மியா வரும் போல இருக்கு. பயமா இருக்கு டா.

விடுடா, compensatory course போட்டுக்கலாம்.

கற்றுத்தருபவர்களிடமும் கற்பவர்களிடம் இருக்கும் குறைபாடுகள் ஏராளமானவை. இரண்டுமே ஜாடிக்கு ஏத்த மூடி போல் மிக அழகாக பொருந்துகின்றன.

சமீபத்திய ஒரு கட்டுரையின் படி (Economic times), இந்த வருடத்தில் campus interview வழியாக மிகப் பெரிய நிறுவனங்கள் 30000 ஆட்களை மட்டுமே எடுக்க இருக்கின்றன. (சென்ற வருடம் 35000).

இதற்கு காரணம் automation and artificial intelligence என்று வேறு ஒரு கட்டுரையும் வந்திருந்தது.

அந்த Subject : Relational Database Management System

தான் வாழ பிறரை கெடுக்கும் மனிதர்கள் (அனைத்து நிலைகளிலும்) – அடுத்த பதிவு
தொடரும்…

புகைப்படம் : Karthik Pasupathy

சமூக ஊடகங்கள்

ஆட்சி சிதம்பரமா? மதுரையா?

பொதுவாக வீடுகளில் ஆண் ஆதிக்கமா, பெண் ஆதிக்கமா என்பதற்காக விளையாட்டாக கேட்கப்படும் கேள்வி இது. இது சரியானது அல்ல.

வைத்திய சாஸ்திர நூல்களுக்கு ஏற்றவாறு நாடிகளின் எண்ணிக்கை 72,000 ல் இருந்து 3,00,0000 வரை விரிவடைகின்றன.

அவற்றில் முதன்மை பெறும் நாடிகள் இடகலை, பிங்கலை, சுழுமுனை, சிங்குவை,புருடன், காந்தாரி, அசனி, அலம்பருடன், சங்குனி, குரு ஆகும். அதிலும் குறிப்பாக இடகலை, பிங்கலை ஆகிய நாடிகள் முக்கியம் பெறுகின்றன.

மூக்கின் இடது நாசியில் வழியே நடைபெறும் சுவாசம் இடகலையும்(சந்திரகலை)

வலது நாசியில் நடைபெறும் சுவாசம் பிங்கலையும்(சூரிய கலை) பாம்பு குறீயீடாகவே குறிக்கப்படுகின்றன.

இந்த சுவாசஓட்டம் 4 நாழிக்கு (சுமார் 1 1/2 மணி நேரம்) ஒரு முறை மாறும். அதாவது ஒரு நாளில் 15 முறை (15*4 = 60 நாழிகை)

ஏற்றி இறக்கி இருகாலும் பூரிக்குங்

காற்றைப் பிடிக்கும் கணக்கறிவாரில்லை

காற்றைப் பிடிக்குங் கணக்கறிவாளர்க்குக்

கூற்றை உதைக்குங் குறியதுவாம் (திருமந்திரம்)

வலப்புற நாடி செல்லும் போது சில வேலைகளையும், இடப்புற நாடி செல்லும் போது சில வேலைகளையும் செய்ய வேண்டும். அப்போது அவைகள் முழுமை பெறும்.

சிதம்பரம் சூரிய நாடியை முதன்மையாய் உடையத் தலம். இதை உணர்த்தவே நடராஜரின் வலது பாதம் ஊன்றி இடது பாதம் தூக்கி ஆடும் வடிவமுடன் அமைந்திருக்கும்.

மதுரை சந்திர நாடியை முதன்மையாய் உடையத் தலம். இதை உணர்த்தவே நடராஜரின் இடது பாதம் ஊன்றி வலது பாதம் தூக்கி ஆடும் வடிவமுடன் அமைந்திருக்கும்.

அதிக விபரம் வேண்டுவோர் குரு முகமாக அறிக.
புகைப்படம் : இணையம்

சமூக ஊடகங்கள்

பயணித்தல் – இலக்கு நோக்கி

பயணித்தல் - இலக்கு நோக்கி

மனித சஞ்சாரம் அற்ற

காடுடொன்றில் தனித்து பயணிக்கிறேன்.

சிறு மழை பெற்ற பின்னொரு பொழுதாய்

மண்ணில் வாசம்

உச்சரிக்கப்படும் ஒரு நாமம் ஒன்று

பெண்ணாகி என் எதிரே.

இனம் கண்டது எப்படி என்கிறேன்.

மூலத்தின் பிரதி

எப்படி மூலத்தில் இருந்து விலகலாம் என்கிறாள்.

என் காலடி ஓசையுடன் சேர்ந்தே

ஒலிக்கின்றன தண்டையின் ஒலிகள்.

பாதங்கள் பாதைகளில்

பயணிக்கின்றன.

விளையாட்டாய் ஆரம்பிக்கிறது

வார்த்தை விளையாட்டுக்கள்.

‘பிரம்மம் என்ன செய்து கொண்டிருக்கிறது’ என்கிறேன்

‘பிரம்மமாய் இருக்கிறது’ என்கிறாள்.

ஆதி நாளின் சூன்யத்தில் உடல்.

புகைப்படம் : பாலா அவர்கள்

சமூக ஊடகங்கள்

சைவத் திருத்தலங்கள் 274 – திருவக்கரை

274

தல வரலாறு(சுருக்கம்)/ சிறப்புகள் – திருவக்கரை

· வராகநதியான சங்கராபரணி ஆற்றின் கரையில் அமைந்துள்ள மிகப்பழமையான கோயில்

· சதுர அடிப்பாகத்தின் மீது அமைந்த வட்டமான ஆவுடையாரில் மூன்று திருமுகங்களுடன் கம்பீரமாக கிழக்கு நோக்கி திருக்காட்சி தரும் மூலவர்.

· வக்கிரனை அழிக்க, காளி இறைவனை (சந்திரசேகரரை) வழிபட்டு அவனுடன் போர்புரிந்து வெற்றி பெற்ற தலம்

· ராஜகோபுரத்தின் இடப்பக்கம் வக்கிரகாளி அம்மன் சந்நிதி

· காளியம்மன் சந்நிதி எதிரில் வக்ராசூரன் வழிபட்ட வக்கிரலிங்கம்(ஆத்மலிங்கம் , கண்டலிங்கம் )

· நடராசர், வக்கிர தாண்வம் எனும் இடுப்புக்குமேல் வரை வளைத்து தூக்கிய திருவடியுடன் கால் மாறியாடும் திருக்கோல காட்சி அமைப்பு

· உள்பிரகாரத்தில் குண்டலி மாமுனிவர் சமாதி மீது சிவலிங்கம் உடைய சந்நிதி.

· குண்டலினி முனிவர் வம்சத்தில் வந்த வக்கிராசுரன் (வக்கிரன்) வழிபட்ட தலம்; வல் + கரை – வலிய கரை, வற்கரை

· வக்ராசூரனின் தங்கை துன்முகியை காளி சம்ஹாரம் செய்யும் போது வயிற்றில் குழந்தை இருந்த காரணத்தால் கருவில் உள்ள குழந்தையை குண்டலமாக ஆக்கிய் காதில் அணிந்திருக்கும் காட்சி.

· சனிஸ்வரனின் காக வாகனம் தென்திசை நோக்கி

· கால மாற்றத்தால் பூமியில் புதைந்த மரங்கள், பட்டைகள், கிளைகள் கல்லாக கல்மரங்களாக மாறிக் காட்சியளிக்கின்றன

· கருவறை , நந்தி , கொடிமரம் , ராஜகோபுரம் ஆகியவை ஒரே நேர்க் கோட்டில் இல்லாமல் அமைந்துள்ளது

தலம்	திருவக்கரை
பிற பெயர்கள்	வக்ராபுரி, குண்டலிவனம் , துக்ரபுரி , வக்ரபுரிப்பட்டினம், பிறை சூடிய எம்பெருமான், ரத்னத்ரயம் (மூன்று ரத்தினங்கள்)
இறைவன்	சந்திரசேகரேசுவரர், சந்திர மௌலீசுவரர்
இறைவி	அமிர்தேசுவரி, வடிவாம்பிகை
தல விருட்சம்	வில்வம்
தீர்த்தம்	சூரிய தீர்த்தம், சந்திர தீர்த்தம், பிரம்மா தீர்த்தம்,புண்ணிபுனல் தீர்த்தம்
விழாக்கள்
மாவட்டம்	விழுப்புரம்
திறந்திருக்கும் நேரம் / முகவரி	காலை 6 மணி முதல் இரவு 8 மணி வரை அருள்மிகு சந்திரசேகரர் வக்ரகாளியம்மன் திருக்கோவில் திருவக்கரை வானூர் வட்டம் விழுப்புரம் மாவட்டம் PIN – 604304 தொலைபேசி : +91 – 413 – 2688949 , 2680870
வழிபட்டவர்கள்	வக்கிராசுரன்
பாடியவர்கள்	திருஞானசம்பந்தர், திரு அருணகிரிநாதர்
நிர்வாகம்	இந்துசமய அறநிலையத்துறை
இருப்பிடம்	சென்னை – திண்டிவனம் – கூட்டேரிப்பட்டு – மயிலம் – பெரும்பாக்கம் – திருவக்கரை சென்னை – பாண்டிச்சேரி – திருச்சிற்றம்பலம் கூட்ரோடு – பெரும்பாக்கம் – திருவக்கரை விழுப்புரம் – முண்டியம்பாக்கம் – திருக்கனூர் – திருவக்கரை
இதர குறிப்புகள்	தேவாரத் தலங்களில் 271 வது தலம் தொண்டை நாட்டுத் தலங்களில் 30 வது தலம்.

சந்திர மௌலீசுவரர்

அமிர்தேசுவரி

புகைப்படம் : தினமலர்

பாடியவர் திருஞானசம்பந்தர்

திருமுறை 3

பதிக எண் 060

திருமுறை எண் 8

பாடல்

இலங்கையர் மன்னனாகி எழில்பெற்றஇ ராவணனைக்

கலங்கவோர் கால்விரலாற் கதிர்பொன்முடி பத்தலற

நலங்கெழு சிந்தையனாய் அருள்போற்றலு நன்களித்த

வலங்கெழு மூவிலைவேல் உடையானிடம் வக்கரையே.

பொருள்

அழகு பொருந்திய இலங்கை மன்னனான இராவணன் கலங்குமாறு, ஒளி வீசுகின்ற பொன்னாலான திருமுடிகளணிந்த அவன் தலைகள் பத்திலும் தன் காற்பெருவிரலை ஊன்றி, அலறுமாறு செய்தவன். பின் அவனது ஆணவ செருக்கு நீங்கி, நல்ல சிந்தனையோடு ஈசனைப் போற்றி துதிக்க, ஈசன் அவனுக்கு வீரவாளும், நீண்ட ஆயுளும் கொடுத்து அருள் புரிந்தான். அத்தகைய பெருமான் வலக்கையில் மூவிலைவேல்(சூலம்) ஏந்தி வீற்றிருந்து அருளும் இடம் திருவக்கரை என்னும் திருத்தலமாகும்.

கருத்து

· மாயா மலங்களில் ஆணவ மலம் நீங்குமாறு செய்பவன் ஈசன். ஆணவத்தை விலக்கி உயிர்களுக்கு அருள் புரிபவன் என்பது துணிபு.

· தன்னை அணுகியவர்களுக்கு வெற்றியும் அதனை அனுபவிக்கும் ஆயுளையும் தருபவன் ஈசன்

பாடியவர் திருஞானசம்பந்தர்

திருமுறை 3

பதிக எண் 060

திருமுறை எண் 9

பாடல்

காமனை யீடழித்திட் டவன்காதலி சென்றிரப்பச்

சேமமே உன்றனக்கென் றருள்செய்தவன் தேவர்பிரான்

சாமவெண் டாமரைமேல் அயனுந்தர ணியளந்த

வாமன னும்மறியா வகையானிடம் வக்கரையே.

பொருள்

அழகிய வலிய தேகத்தை உடைய மன்மதனை எரித்துச் சாம்பலாக்கிப் பின்னர் அவன் மனைவி ரதி இரந்து வேண்டிப் பிரார்த்திக்க சிவபெருமான் மன்மதனை உயிர்ப்பித்து அவள் கண்ணுக்கு மட்டும் புலப்படும்படி அருள்புரிந்தான். வெண்டாமரையில் வீற்றிருந்து சாமகானம் பாடுகின்ற பிரமனும், உலகையளந்த வாமனனான திருமாலும் அறியாவண்ணம் நீண்ட சோதியாக நின்ற சிவபெருமான் வீற்றிருந்தருளும் இடம் திருவக்கரை என்னும் திருத்தலமாகும்

கருத்து

· ஈடு அழித்திட்டு – வலிமைக்கு இடமாகிய உடம்பை அழித்து. (ஆணவம் முன்வைத்து)

· உன்தனக்குச் சேமமே – உன் கண்ணுக்கு மட்டும் புலப்படுவான்

Reference

திரு அருணகிரிநாதர் அருளிய திருப்புகழ்

கலகலெ னச்சில கலைகள் பிதற்றுவ

தொழிவ துனைச்சிறி …… துரையாதே

(இக் கோயில் பற்றி மேலும் விபரம் இருந்தால் தெரியப்படுத்தவும்)

சமூக ஊடகங்கள்

வாருணை ஈசனும் ஒளியுறு உமையும் – 2

(

இந் நிகழ்வுகள் மகாபாரதம் அனுசாஸன பர்வத்தில் இடம் பெற்றுள்ளவை

தொடக்கம் 204 அத்யாயம்.

கூடி இருக்கும் ரிஷிகள் கிருஷ்ணரை பார்த்து ‘உலகில் ஆச்சரியமானது ஒன்றை நீங்கள் கண்டிருந்தாலும், கேட்டிருந்தாலும் அதை உரைக்க வேண்டும்‘ என்றனர்.

‘நான் மானிட வடிவத்தில் இருப்பதால் எதுவும் உரைப்பதிற்கு இல்லை, அதனால் என் அறிவும் வரையறைக்கு உட்பட்டது என்றார்.

எனவே ரிஷிகள் அனைவரும் நாரதரே உக்கிரமான தவம் உடையவர், கிருஷ்ணருக்கு அன்பானவர், பழைய சரித்திரங்கள் அனைத்தும் அறிந்தவர் என்று நிச்சயித்து அவரை அணுகினார்கள்

அவர் உமா மகேஷ்வர ஸம்வாதம் குறித்து சொல்லத் தொடங்கினார்.

)

உமை : வேறு வாகனங்கள் இருக்கையில் நீங்கள் ஏன் ரிஷபத்தை வாகனமாக கொண்டுள்ளீர்கள்?

சிவன் : முன் சிருஷ்டியில் பசுக்கள் வெள்ளை நிறமுடையனவாக இருந்தன. அப்போது உலக நன்மைக்காக ஒற்றைக்காலில் நின்று தவம் செய்து கொண்டு இருந்தேன். அப்போது அந்த பசுக்கள் நான் இருந்த இடம் வந்து அந்த இடத்தை இடித்தன. அதனால் கோபம் கொண்டு அப்பசுக்களை எரித்துவிட்டேன். அதில் இந்த ரிஷபம் தன் தவறை உணர்ந்து என்னிடம் வேண்டிக் கொண்டது.

அது முதல் பசுக்கள் அடக்க உள்ளவைகளாகவும், பல நிறமுடையவைகளாகவும் ஆயின. சாபம் விலக்கப்பட்டதால் இப் பசு மாத்திரம் வெள்ளை நிறமுடையதாகவும், எனக்கு வாகனமாகவும் ஆனது.அதனால் தேவர்கள் என்னை பசுபதியாகச் செய்தனர்.

உமை : மங்களகரமான வீடுகளும், அதில் அழகிய விலங்குகளும் பிராணிகளும் இருக்கையில் நீர் ஏன் மயிர்களாலும், எலும்புகளாலும் அருவருக்கத்தக்க மண்டை ஓடுகள் நிரம்பியதும் , நரிகளும் கழுகளும் சேர்ந்திருக்கும் பிணப்புகையினால் மூடப்பட்டதுமான மிகக் கொடிய பயங்கரமான மயானத்தில் சந்தோஷமாக இருக்கீறீர்? அது எதனால் என்று எனக்கு சொல்லக் கடவீர்.

சிவன் : முன்னொரு யுகத்தில் வெகு சுத்தமான இடத்தை நான் தேடி அடைந்த போது சுத்தமான இடம் கிடைக்கவில்லை. அப்போது பூதசிருஷ்டி உண்டானது. கொடிய கோரப்பற்களை உடைய பிசாசுகளும், பிற உயிர்களை கொன்று உண்ணும் பூதங்களும் உலகம் எங்கும் திரிந்தன. இவ்வாறு பிராணிகள் இல்லாததால் உலகை இப் பூதங்களிடம் இருந்து காப்பதற்காக பிரம்ம தேவர் இப் பூத, பிசாசங்களை அழிக்குமாறு வேண்டிக் கொண்டார். பிராணிகளின் நன்மைக்காக நான் இதை ஏற்றிக் கொண்டேன்.

இம் மயானத்தை விட பரிசுத்தமான இடம் வேறு எதுவும் இல்லை. மனித சஞ்சாரம் இல்லாததால் இம் மயானம் மிகப் புனிதமானது. எனவே பூதங்களை மயானத்தில் நிறுத்தினேன். அவைகளை விட்டுப் பிரிய மனம் இல்லை. எனவே தவம் செய்பவர்களும், மோட்சத்தை விரும்புவர்களும் பரிசுத்தமான இம் மயானத்தை விரும்புகிறார்கள். வீரர்களில் இடமாக இருப்பதால இதை நான் எனது இடமாகக் கொண்டேன்.

காலைப் பொழுதிலும், அந்தி சந்தியிலும், ருத்ர தேவதையான திருவாதிரை நட்சத்திரத்திலும் தீர்க்க ஆயுளை விரும்புவர்கள் செல்லக் கூடாது. இன்னும் என்ன கேட்க விரும்புகிறாய்?

தொடரும்..

*வாருணை – மதிமண்டலத்தில் ஊறும் அமுதம்

புகைப்படம் : இணையம்

சமூக ஊடகங்கள்

2038 – ஒலியியல் வழியில் மூளையின் செயல்பாடுகள் கட்டுப்படுத்தும் திறன்

(SOUND WAVES TO CONTROL BRAIN CELLS)

· Scientists have developed a new way to selectively activate brain, heart, muscle and other cells using ultrasonic sound waves.

· This is a new, additional tool to manipulate neurons and other cells in the body.

· By shining a focused laser on the cells, they can selectively open these channels, either activating or silencing the target neurons.

· In contrast to light, low-frequency ultrasound can travel through the body without any scattering. This could be a big advantage when you want to stimulate a region deep in the brain without affecting other regions

Ref :

http://zeenews.india.com/news/science/indian-american-scientist-uses-sound-waves-to-control-brain-cells_1798152.html

http://www.salk.edu/news-release/in-first-salk-scientists-use-sound-waves-to-control-brain-cells/

(இவைகள் நடக்கலாம் அல்லது நடக்காமலும் போகலாம்.)

ஒரு சோதனைக்கு உங்க கணவர் எங்களுக்கு தேவைப்படுறார், ஒரு வார காலத்திற்கு கூட்டிகிட்டு போகலாமா?

சோத்த போட்டா எங்க வேணும்னாலும் வரும் அந்த நாயி, இதுக்கு கேள்வி எதுக்கு; மூளையே கிடையாது அதுக்கு, அதுகிட்ட என்ன சோதனை பண்ணப்போறீங்களோ?

சார், நம்ம படத்துல பல புதுமைகள் செய்திருக்கோம் சார்.

கொஞ்சம் சொல்லுங்க பார்ப்போம்.

அதாவது சார், நீங்க கதப்படி செவ்வாய் கிரகத்தில இருக்கீங்க, உங்களால எதிரி ராக்கெட்ட கன்ட்ரோல் பண்ணமுடியல, அதனால நாங்க இங்க இருந்து உங்கள கன்ட்ரோல் பண்ணி எதிரி ராக்கெட் ஒயர் எல்லாத்தையும் பிச்சி,எதிரிராக்கெட்ட சிதைச்சிடுறோம். படப் பேர்சோனாலஜிஸ்டும், வெடித்து சிதறும் சில ராக்கெட்டுகளும்’, சுருக்கமா S-VSSR. உங்களுக்கு 9ம் எண் நல்லா இருக்கும் அப்படீங்கறதால படப்பேர் கூட 18 ல வச்சி இருக்கோம் சார்.

அன்பார்ந்த வாக்காளப் பெருங்குடி மக்களே, ஒலியியல் வழியில் மூளையின் செயல்பாடுகள் கட்டுப்படுத்துவதற்காக உபகரணங்களுக்கு வாரத்தில் 2 நாட்களுக்கு இலவச மின்சாரம் வழங்கப்படும் என்பதை தேர்தல் அறிக்கையில் வெளியிட்டுள்ளோம்.

ரொம்ப சந்தோஷம், வெளியிலே இருந்து ‘உங்களை யாரோ கண்ட்ரோல் செய்து உங்களை கொல செய்ய வச்சிருக்காங்க’ன்னு சொல்லி, கேச திருப்பி உங்களுக்கு விடுதலை வாங்கி கொடுத்து விட்டேன். எனக்கு பீஸ் எப்ப கொடுப்பீங்க?

என்னா சார் இது, போன தடவ வந்தப்பவே வெளியில் இருந்து கண்ட்ரோல் செய்து உங்க பீஸை வாங்கி கிட்டீங்களே, ஞாபகம் இல்லையா? (யாருகிட்ட )

இந்த ப்ராடெக்ட் தான் பெஸ்ட்ன்னு எப்படி விளம்பரம் ரெடி பண்றது?

‘எங்க ப்ராடெக்ட் பயன்படுத்தி உங்கள் மனைவியை கூட கண்ட்ரோல் செய்யலாம்‘ அப்படீன்னு விளம்பரம் செய்ங்க. அப்புறம் பாருங்க, கூட்டத்த. இதெல்லாம் தெரியாம நீங்க எப்படி தான் விளம்பர கம்பெனியில வேல பாக்றீங்களோ தெரியல?

சமூக ஊடகங்கள்

பயன் இயல்

தேனீர் அருந்துதல் என்பது

அத்தனை எளிதானது அல்ல.

‘ஒரு கோப்பைத் தேனீர்’ எனும்

புத்தக வாசிப்பினை உங்களுக்கு தந்திருக்கலாம்;

நினைவுகளில் மூழ்கி இருக்கையில்

தேனீர் பற்றி இருக்கும் சிகரெட்

விரல்களை சுட்ட தருணங்களை

உங்களுக்கு தந்திருக்கலாம்;

தொலைபேசியில் சிரித்துப் பேசியபடி

சந்தோஷங்களை உங்களுக்கு

தந்த தருணமாக இருந்திருக்கலாம்;

யாசிப்பின் மொழி அறிந்து

பெற்ற பெரும் செல்வத்தில்

பசியினை அறுக்க பருகும்

தருணமாக இருந்திருக்கலாம்;

தன்னிடம் இருக்கும் சில சில்லறைகளை ஈந்து

மீதமிருக்கும் சில்லறைகளில்

பிஸ்கோத்து வாங்கி, நாயிக்குஅளித்து

தானும் அதுவும் ஒன்றாக அமர்ந்து உண்ணும்

தருணமாக இருந்திருக்கலாம்;

மனிதர்களால் விலக்கப்பட்டு

வலிகளின் அடிநாதம் அறிந்து

பிறிதொரு நாளில்

பருகும் கடைசி பாகமாகவும் இருக்கலாம்.

தேனீர் அருந்துதல் என்பது

அத்தனை எளிதானது அல்ல.

புகைப்படம் : Ram N

சமூக ஊடகங்கள்