அரிஷ்டநேமி

திரை மறைவில்
மறைந்து கொண்டு
என்னை கண்டுபிடியுங்கள் பார்கலாம்
என்று மகள் அழைக்கையில் தெரிகிறது
நான் தொலைத்து விட்ட
எனது குழந்தை பருவங்கள்

கடவுள் பொம்மைகளை விற்றால் தான் காசு
தெரு ஒர விற்பனை கலைஞன்

மழை தூறலுக்கு முன்பே
தொடங்கி விடுகின்றன்
மழைக்கான நினைவுகள்
ஒரு முறை நான் நடந்து
கொண்டிருந்தபோது தொடங்கும் குரல்
எனக்கு மழை பிடிக்காது
மற்றொரு குரல் ஒலிக்கும்
இன்னைக்கு எல்லா பாடலும்
மழை பாடல்கள்
குரல் மீண்டும் ஒலிக்கும்
மழைக்கான புரிதல்
தொடங்கும் முன்
மழை நிற்கும்
மழை நின் பின்னும்
நிற்கிறது மனதின் வாசனை

விற்பனை சிறுமியின்
கைகளில்
படபடத்து நிற்கின்றன
பலூன்களும் பட்டாம் பூச்சிகளும்

என்றாவது உற்று
கவனித்து இருக்கிறீர்களா
எனது மகன்
அமெரிக்காவில் வேலை பார்கிறான்
எனது மகள்
சிங்கப்பூரில் இருக்கிறாள்
என்று கூறுபவர்களின்
தனிமையையும்
தனிமை சார்ந்த வலிகளையும்

வாழ்வினில் என்ன
சுவாரசியம் இருக்கிறது
சுயம் இழத்தல் தவிர

வெயிலில் ஐஸ்
வண்டிக்காரன்
கையில் தேனிர்

கடவுள் வேஷம் போட்டுக்
கொண்டு தெருவில் நடந்தாலும்
குரைக்கின்றன நாய்கள்

தரும ராசா
உதவி பண்ணுங்கள்
சொன்னவனிடம் மறுதலித்து
சட்டை பையை தொட்டு பார்க்கின்றது கைகள்
உள்ளுகுள் மனைவியிடம்
வாங்கிய ஒற்றை நாணயம்

கலைத்த குருவி கூட்டின் இடத்தில்
கத்தும் குருவி பொம்மை

வெட்டுகையில் கவனித்து பாருங்கள்
மரங்களின் அழுகை ஓலி

வாழ்வின் தொடக்கதில்
வாழ்க்கைக்கான வண்ணம் எல்லாம்.
சமாதானதிற்கான நிறம்
வெண்மை
சக்திக்கான நிறம்
சிகப்பு
பசுமை நிறம் பச்சை
உயிரின் மூலமறிதலில்
உண்மையான நிறம் நீலம்
என்றார்கள்.
நாளொடும் பொழுதொடும்
நகர்ந்தன
என் வண்ணம் எல்லாம்.
அழகாய் சமுகம்
கொடுத்திருகிறது எனக்கு நிறம்
நிறமற்றவன் என்று.

புற்கள் இருந்தும்
மேயவில்லை
மண்குதிரை

கட்டிய கட்டிடம் கடக்கையில்
எட்டி பார்கிறது மனது
குழந்தைக்கு கட்டிய தூளியும்
பாடிய தாலாட்டும்

நூலகத்தில் எழுதப்பட்டிருந்தது
சப்தம் செய்யாதீர்
பாவம் அணில்களுக்கு படிக்க தெரியாது

நாங்கள் சாதாரணமானவர்கள்
அதனால் தான்
பசி அசாதாரணமாக இருக்கிறது

வறுமை ஓழிப்பு மா நாட்டிற்கு பின்
விருந்து
ஐந்து நட்சத்தர ஓட்டலில்

வெயிலில் பக்தர்கள்
குளிர் அறையில் கடவுள்

வெளியே வெப்பத்தின் கொடுமை
இருந்தும் இருட்டறை விட்டு
வெளியே வரவில்லை எந்த கடவுளும்