உருவேறத் திருவேறும்
ஏரி சலனமற்று இருந்தது
காற்றில் ஆடி சில காகிதங்கள் அதன் அருகில்
அப்போதும்
ஏரி சலனமற்று இருந்தது.
சில சிறுவர்கள் கல் எறிந்து தவளை கண்டார்கள்
அப்போதும்
ஏரி சலனமற்று இருந்தது.
மரங்கள் இலைகளை உதிர்த்தன ஏரியில்
அப்போதும்
ஏரி சலனமற்று இருந்தது.
உவகை பொங்க மழைத்துளி ஈன்றது வானம்
அப்போதும்
ஏரி சலனமற்று இருந்தது.
சிறு குழந்தைகள் கைகளை நனைத்தன.
அப்போதும்
ஏரி சலனமற்று இருந்தது.
பெரும் மாற்றங்களுக்குப் பின் பிணம் ஒன்று மிதந்தது
அப்போதும்
ஏரி நிரம்பி சலனமற்று இருந்தது.
வெறுமையாய் இருக்கிறது
உண்டியல்
செய்பவன் வாழ்வும்
விற்பவன் வாழ்வும்
*சுழியம்-Zero
Click by : Bragadeesh Prasanna
அறுவடைக்குப் பின்னும்
தனித்து கிடக்கின்றன
பொம்மைகள்.
*சஞ்சிதம் – எஞ்சியது.
Click by : Harish Kumar
உடைந்து கிடக்கும்
ஒவ்வொரு பொருளும்
ஒன்றை நினைவு படுத்துகின்றன.
எரியும் நெருப்புகள் அனைத்தும்
ஒன்றை நினைவு படுத்துகின்றன.
அறைக்கும் அசையும் காற்றுகள் அனைத்தும்
ஒன்றை நினைவு படுத்துகின்றன
நீரும், நீர்த் துடிப்பும்
ஒன்றை நினைவு படுத்துகின்றன.
கூடும் நீல மேகங்களும்
ஒன்றை நினைவு படுத்துகின்றன.
ஒன்றிலும் நிலைபெறாமலும்
ஒன்றாமலும் மனம் மட்டும்.
Click by : Ramaswamy Nallaperumal (Ramaswamy N)
அழகியல்கள் வலிமை பெறுகின்றன
குழந்தைகளால் உடைபடும்
நிசப்தங்களால்.
Click by : Devadhai Thozhan (a) Mahendran Thiru
இலை பறிக்கப் படுகையில்
அதன் வலிகளை
என்றாவது உணர்ந்திருக்குமா
அதன் விழுதுகள்.
குளிர் பேருந்தில்
கண்ணாடி அருகே
உட்புறத்தில் பயணிக்கும்
ஈக்களின்
சேருமிடம் எதுவாக இருக்கக் கூடும்.
Click by : SL Kumar
மழை மிகவும் பிடிக்கும் என்கிறாய்.
ஏன் என்கிறேன்.
‘ஒற்றை குடை பிடித்து
உன் தோளில் சாய்ந்து
மழையில் நனையலாம் அல்லவா’ என்கிறாய்.
வெகு அருகில் தட்டான் பூச்சிகளின் ஒலிகள்.
பறவைகள் பறந்த பின்னும்
இருக்கின்றன
வெறும் கூடுகள்.
வெட்டப் படுவதற்காக
செல்லும் போதும்
இலைகளைத் தின்கின்றன ஆடுகள்.
வெடிக்கும் பலூன் சப்தம்
கைக் கொட்டிச் சிரிக்கும் குழந்தைகள்,
கலைகின்றன கனவுகள்.
Click by Ram (a) Ramaswamy Nallaperumal
விட்டுச் சென்ற பின்னும்
இருக்கின்றன
பழைய வீட்டின் வாசனைகள்.
Click by : Santhosh Kumar VG
பெரு நீர்ப்பரப்பின் மேல் பறத்து
மீனைக் கொத்திச் சென்றபின்னும்
அமைதியாக இருக்கிறது நீர்ப்பரப்பு.
Click by : Karthik Pasupathy
யாரும் அற்ற நிலவொளி
Click by : Karthik Pasupathi
இறந்த உடல் மீது
எதைத் தேட முற்படுகின்றன
ஈக்கள்?
Click by : Devadhai Thozhan (a) Mahendran Thiru
மழைகளோடு அடங்கி விடுகின்றன
தவளைகளில் ஒலிகள்,
பிரிதொரு பொழுதுகளில்
துவங்கி விடுகின்றன
மனதில் ஒலிகள்.
Click by : Ramaswamy Nallaperumal
மிகச் சிறந்த ஒலிகள் எல்லாம்
அடங்கி விடுகின்றன
சிறு கொலுசுகளின் ஒலிகளில்.
*அனாகத நாதம் – மனிதனுடைய முயற்சியின்றி இயற்கையிலேயே கேட்கப்படும் நாதம்
Click by : Devadhai Thozhan (a) Mahendran Thiru
எல்லா இரவிற்குள்ளும் இருக்கின்றன
பல அழுகை ஒலிகள்.
Click by : Devadhai Thozhan (a) Mahendran Thiru
வெடிக்கும் பட்டாசில் தெரிகிறது
அதைச் செய்பவர்களில்
வேதனைகள்.