பாடல்
விழுது சூலத்தன் வெண்மழு வாட்படைக்
கழுது துஞ்சிருள் காட்டகத் தாடலான்
பழுதொன் றின்றிப் பைஞ்ஞீலிப் பரமனைத்
தொழுது செல்பவர் தம்வினை தூளியே
தேவாரம் – ஐந்தாம் திருமுறை – திருநாவுக்கரசர்
கருத்து – பைஞ்ஞீலி தலப் பெருமானை தரிசனம் செய்வதால் வினைகள் நீங்கும் என்பதை விளக்கும் பாடல்.
பதவுரை
மாமிசம் பொருந்திய சூலத்தையும், வெண்மழு வாள் ஆகியவற்றை படைக்கலமாக உடையவனும், பேய்கள் உறக்கம் கொள்கின்ற நள்ளிருளில்(ஊழிக்காலத்திலும்) சுடுகாட்டில் ஆடலை உடையவனும், பைஞ்ஞீலி எனும் தலத்தில் உறையும் பரமனும் ஆகிய பெருமானை குற்றம் எதுவும் இல்லாமல் தொழுது செல்பவர் வினைகள் பொடியாகும்.
விளக்கஉரை
- மழுவாள்படை – ஒளி பொருந்திய மழுவாயுதம்
- கழுது – பேய்
- துஞ்சு – உறங்கும்
- இருள் – ஊழி
- பழுது – குற்றம்
- தூளி – பொடி
#அந்தக்கரணம் #அமுதமொழி #சைவம் #திருமுறை #தேவாரம் #ஐந்தாம்_திருமுறை #திருநாவுக்கரசர் # திருப்பைஞ்ஞீலி #சைவத்_திருத்தலங்கள் #பாடல்_பெற்றத்_தலங்கள்
