குளத்தின் அழகு
தொடங்குகின்றது
அதன் அலை அடங்குதலில்.
புகைப்படம் : Karthik Pasupathy
என்றைக்குமான குளம்
Category: அனுபவம்
கசியும் நினைவுகள்
மழை நீரில் கரைகிறதோ
இல்லையோ நினைவுகள்;
வலி கொண்ட தனிமையில் மட்டும்.
Click by : R.s.s.K Clicks
சொற்கள் அற்ற இரவு
விளையாட்டாய் ஆரம்பிக்கிறது
உனக்கும் எனக்குமான சண்டை.
உன் கோபங்கள் என்னை
மகிழ்வு கொள்ளச் செய்கின்றன.
மகிழ்வான நிமிடங்கள்
முற்றுப் பெறும் முன் உரைக்கிறாய்
‘நான் உன்னுடன் பேசப் போவதில்லை‘
கண்ணீருடன் கலக்கின்றன
எனக்கான கவிதைகள்.
உறக்கத்தில் கைகளால்
எதையோ தேடுகிறாய்.
‘என்ன இருந்தாலும் நீ என் அப்பா
உன்னை பிடிக்காமல் இருக்குமா‘
என்கிறாய்.
பிறிதொரு நாளில்
இதை நீ உணர்ந்து சிரிக்க
கவிதையாக்கி வைத்திருக்கிறேன்
என்னையும் நினைவுகளையும்.
புகைப்படம் மற்றும் இருப்பு : ராதா கிருஷ்ணன்
உள் ஒலி
காகிதத்தில் வண்ணத்துப் பூச்சி
தாவும் குழந்தை
புன்னகைக்கும் இறை.
புகைப்பட உதவி: SL Kumar
ஜன்னல் பிடித்த படி
பெரும் காற்றும் உடனான மழையும்
எழுதிச் செல்கிறது
சில நீர் வடிவங்களையும்
பல நினைவுகளையும்.
புகைப்பட உதவி : R.s.s.KClicks
நிறைவு
ஒவ்வொரு பளபளப்பிற்கும்
பின்னும் இருக்கின்றன
பல பசி நிறைந்த பட்டினிகள்
Click by : Harish Kumar
முன் குறிப்புகள்
மகள் விரும்பும்
காகித மலர்களில்
தெரிகிறது
வாழ்வின் வாசனைகள்.
புகைப்பட உதவி : Swathika Senthil
பூத்தல் – நினைவுகளுக்கு மட்டும்
என்ன செய்து கொண்டிருக்கின்றன
நினைவுகள்
ஒவ்வொரு வினாடியும்
தன்னை இழத்தல் தவிர.
புகைப்பட உதவி : Karthik Pasupathi
வரவேற்றலில் மரணம்
கிளைகளில் இருந்து
உதிரத் துவங்கும்
உதிரத் துவங்கும்
பூக்களின் அடுத்த நிலை
என்னவாக இருக்க கூடும்?
புகைப்பட உதவி : R.s.s.K Clicks
ஆற்றுப்படுதல்
நட்சத்திரங்களுக்கு
உறவில்லை
தன்னைத் தவிர.
புகைப்பட உதவி : Vinod VV
ஈர்ப்பு
உதிர்ந்த உடல் மீது
எதைத் தேட
முற்படுகின்றன ஈக்கள்?
புகைப்பட ஆக்கம் : SLKumar
கானல் காட்சிகள்
அறையில் எழிலினை
எவரும் அறியக்கூடும்.
கலைந்த புத்தகங்கள்,
கசங்கிய ஆடைகள்,
புகை படிந்த ஜன்னல்கள்,
உதிர்ந்த சில சாம்பல்கள்,
முயக்கம் முன்னிருத்திய வீச்சங்கள்,
காலி மதுக் கோப்பைகள்,
அங்கொன்றும் இங்கொன்றுமாய் பீடித்துளிகள்,
பெரும் பசியினை மறுதலிக்கையில்
‘வாடா சாப்ட‘ என்ற நண்பனின் அழைப்புகள்,
பின் தொடரும் குளியலறை அழுகைகள்,
கள் வெறி கொள்ளும் இலக்கிய பேச்சுக்கள்
இப்படியாகத்தான் கழிகிறது
இன்றைய இருப்பும்.
பிறிதொரு நாளில் தங்குபவன்
இருப்பும் இப்படியாகவே இருக்கலாம்.
Click by : R.s.s.K Clicks
விதியின் புனைதல்
எல்லா கனமில்லா பொருள்களும்
உனக்கானவையாக இருக்கின்றன.
எல்லா கனத்த நினைவுகளுக்கும்
எனக்கானவையாக இருக்கின்றன.
உனக்கான பொருள்கள்
கலைந்து கிடக்கின்றன.
கலையாமல் இருக்கின்றன
என் நினைவுகள்.
யாருமற்ற பொழுதுகளில்
இப்புகைப்படம் பார்த்து
நினைகளைக் கோர்ப்பாய்.
அந்த நாளில் நினைவுகளும்
இன்றைக்கு பத்திரமாய் என்னிடம்.
Click by : Swathika. Photo : Senthil Tiruvarasan and Samyuktha.
வழிப்போக்கன்
எல்லாம் கடந்தபின்னும்
எஞ்சி இருக்கும்
எச்சத்தில் கழிகிறது வாழ்வு.
Click by : R.s.s.KClicks
உயிரின் மொழி
உயிரின் மொழி
மழலை மொழி பேசி,
பிள்ளை மொழி பேசி,
கனவு மொழி பேசி,
காதல் மொழி பேசி,
வியாபார மொழி பேசி,
மூன்றாம் தலைமுறையுடன் மொழி பேசி,
பேசிப் பேசி பின்
பேச்சு அற்ற மௌனமாகி
பிணமாகி போகையில்
நிறைவு பெறுகிறது அழகியல் வாழ்வு.
Click by : SL Kumar
வான் விளிம்பு
தேக மாற்றத்தில்
தேய்ந்து போகின்றன
தேவைகளும் நினைவுகளும்.
Click by : Karthik Pasupathy
வாழ்வின் விளிம்பு
ஒவ்வொரு பயணமும்
இழுத்துச் செல்கிறது
சில மனிதர்களையும்
பல நினைவுகளையும்.
Click by : R.s.s.K clicks
கிலுப்தம்
மனதினைச் சொல்லி
பிரயோஜனமில்லை
உடல் இருக்கும் வரை.
* கிலுப்தம் – நிச்சயமாக
Click by : R.s.s.K Clicks
எச்சங்கள்
நினைவுகள் கடந்த பின்னும்
மிச்சமிருக்கின்றன
எச்சங்கள்
எச்சங்கள்
Click by : HarishKumar
பூரணம்
அழகிய ஓவியம் ஒன்றை
வரையத் துவங்குகிறேன்.
எழுதப்படா பக்கங்களை
எடுத்து வந்து என்னிடம் தந்து
‘ஓவியம் எப்படி என்கிறாய்‘.
மகளாகிய உன்னால்
மகளாகிய உன்னால்
ஒவியங்கள் முழுமை பெறுகின்றன.
Click by : R.s.s.K clicks