அறிவோம் அழகுத் தமிழ் வார்த்தை – பந்தனை

ஓவியம் : இணையம்

‘அறிவோம் அழகுத் தமிழ் சொல் / வார்த்தை’ –  பந்தனை

பொருள்

• கட்டுகை
• கட்டு
• பற்று
• ஆணவாதி குற்றங்கள்
• பாலாரிஷ்டம்
• மகள்

வாக்கிய பயன்பாடு

பொண்ணு பந்தனை இன்னும் வுடல ஓய்! விட்டு இருந்தா உசிரு என்னைக்கோ போயியிருக்குமே, அதாலதான் நீ இப்டி பேசற.

குறிப்பு உதவி / இலக்கிய பயன்பாடு

பாடல்

சிந்தனை செய்ய மனம் அமைத்தேன் செப்ப நா அமைத்தேன்
வந்தனை செய்யத் தலை அமைத்தேன் கை தொழ அமைத்தேன்
பந்தனை செய்வதற்கு அன்பமைத்தேன் மெய் அரும்ப வைத்தேன்
வெந்த வெண்ணீறணி ஈசற்கு இவை யான் விதித்தனவே

பதினொன்றாம் திருமுறை – பொன் வண்ணத்து அந்தாதி – சேரமான் பெருமாள் நாயனார்

கருத்து உரை

சுட்ட வெண்ணீற்றை அணியும் எம்பெருமானாகிய ஈசன் எனக்கு நிர்ணயித்தவாறும் சிந்தனை செய்வதற்கு தக்கவாறும் மனத்தை அமைத்தேன். அவரை துதி செய்ய நாவை அமைத்தேன். எம்பெருமானாகிய ஈசனை வழிபாடு செய்யத் தலையை அமைத்தேன். அவரை வணங்குவதற்காக கையை அமைத்தேன். ஊள்ளத்தில் ஈசனை கட்டுவதற்கு அன்பை அமைத்தேன்  மலர்ச்சி பெறுவதற்காக உடம்பை வைத்தேன்.

துக்கடா – சைவ சித்தாந்தம் வினா விடை

அருணந்தி சிவத்தின் மாணாக்கர் யார்?
மறைஞானசம்பந்தர்