அறிவோம் அழகுத் தமிழ் வார்த்தை – பத்து

ஓவியம் : இணையம்

‘அறிவோம் அழகுத் தமிழ் வார்த்தை’ – பத்து

வார்த்தை : பத்து

பொருள்

• சோற்றுப் பருக்கை
• வயல்

குறிப்பு உதவி / இலக்கிய பயன்பாடு

பாடல்

பத்துக் கொடுத்தும், பதி இருந்து, வாழ்வு இனிதே;
*வித்துக்* குற்று உண்ணா விழுப்பம் மிக இனிதே;
பற்பல நாளும் பழுது இன்றிப் பாங்கு உடைய
கற்றலின் காழ் இனியது இல்.

இனியவை நாற்பது – பூதஞ்சேந்தனார்

கருத்து உரை

துன்புறும் காலங்களில் தனக்கென  இருக்கும் வயல் காட்டை கொடுத்தாயினும் உள்ளூரிலிருந்து வாழ்தல் இனிது. விதைக்கென வைத்த தானியத்தை உண்ணாதிருத்தல் இனிது. பல நாட்களுக்கு நன்மையைச் சொல்லும் நூல்களைக் கற்பதைப்போல இனிதான செயல் வேறு ஒன்று இல்லை.