அறிவோம் அழகுத் தமிழ் வார்த்தை – மறலி

ஓவியம் : இணையம்

‘அறிவோம் அழகுத் தமிழ் வார்த்தை’ –  மறலி

பொருள்

• எமன்
• இயமன்
• நமன்
• கூற்றுவன்
• மறலி
• காலன்

குறிப்பு உதவி / இலக்கிய பயன்பாடு

பாடல்

மலைபோன்ற செம்பொற்குவை வைத்தி ருப்பவர்
மறலிதான் வருகையில் வாரிச் செல்வரோ
அலையாமல் அகத்தினை அத்தன் பால்வைத்தோர்
அழியாரென் றேநீ துணிந் தாடாய் பாம்பே

பாம்பாட்டிச் சித்தர்

கருத்து உரை

மலை அளவு பொற்குவியல் வைத்திருந்தாலும் எமன் வருகையில் அதை அள்ளிச் செல்வாரோ? (முடியாது என்பது துணிபு) . இவ்வாறு இல்லாமல் மனதினை தந்தையாகிய இறைவன் பால் வைத்தவர்கள் அழியாதவர்கள் என்று துணிந்து ஆடு பாம்பே (என்கிறார்)